ഷാജി കൈലാസിൻ്റെ " കാപ്പ " തിരുവനന്തപുരത്ത് ചിത്രീകരണം പുരോഗമിക്കുന്നു. പൃഥിരാജ് സുകുമാരൻ , ആസിഫ് അലി ,അപർണ്ണ ബാലമുരളി , അന്ന ബെൻ എന്നിവർ പ്രധാന വേഷങ്ങളിൽ .

തീയേറ്ററുകളിൽ വമ്പൻ വിജയം നേടിയ കടുവക്ക് ശേഷം പൃഥ്വിരാജ്‌ സുകുമാരനും, ഷാജി കൈലാസും ഒരുമിക്കുന്ന ബിഗ് ബജറ്റ് ചിത്രമായ "കാപ്പ"യുടെ ചിത്രീകരണംതിരുവനന്തപുരത്ത് പുരോഗമിക്കുന്നു. ഈ ചിത്രത്തിനുവേണ്ടി അറുപത്  ദിവസത്തെ ഡേറ്റാണ് പൃഥ്വിരാജ്നൽകിയിരിക്കുന്നത്. 

ജിനു വി.ഏബ്രഹാം, ഡോൾവിൻ കുര്യാക്കോസ്  ദിലീഷ് നായർ എന്നിവരുടെ പങ്കാളിത്തത്തിൽ ആരംഭിച്ച
തിയ്യേറ്റർ ഓഫ് ഡ്രീംസ് ,
ഫെഫ്ക റൈറ്റേഴ്സ് യൂണിയന്റെ സഹകരണത്തിൽ നിർമ്മിക്കുന്ന ചിത്രമാണ് " കാപ്പ" .

ഇന്ദുഗോപന്റെ പ്രശസ്ത നോവലായ ശങ്കുമുഖിയെ അടിസ്ഥാനപ്പെടുത്തിയാണ് ചിത്രത്തിൻ്റെ തിരക്കഥ ഒരുങ്ങുന്നത്. ഇന്ദുഗോപൻ തന്നെയാണ് ചിത്രത്തിൻ്റെ  രചനയും നിർവഹിക്കുന്നത്.

തിരുവനന്തപുരത്തെ ലോക്കൽ ഗുണ്ടകളുടെപശ്ചാത്തലത്തിലാണ് ചിത്രത്തിൻ്റെ  കഥ പറയുന്നത്. പൃഥ്വിരാജിനെ കൂടാതെ അപർണ്ണ ബാലമുരളി,  ആസിഫ് അലി ,അന്ന ബെൻ  എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ദിലീഷ് പോത്തൻ, ജഗദീഷ്, നന്ദു എന്നിവരും ഈ ചിത്രത്തിൽ അഭിനയിക്കുന്നു.

ജോമോൻ ടി.ജോൺ  ഛായഗ്രഹണവും , ദിലീപ് നാഥ് കലാസംവിധാനവും ,  ഷമീർ മുഹമ്മദ് എഡിറ്റിംഗും ,  സഞ്ജു വൈക്കം പ്രൊഡക്ഷൻ കൺട്രോളറുമാണ് .

സലിം പി .ചാക്കോ .

cpK desK.