90 കളിലെ മനോഹരമായ പ്രണയം അഭ്രപാളികളിലേക്ക്..' ചിരം ' ഒക്ടോബർ 9ന് തിയറ്ററുകളിലേക്ക്. ചിത്രത്തിലെ ആദ്യ ഗാനം പുറത്തിറങ്ങി

 

90 കളിലെ മനോഹരമായ പ്രണയം അഭ്രപാളികളിലേക്ക്..' ചിരം ' ഒക്ടോബർ 9ന് തിയറ്ററുകളിലേക്ക്. ചിത്രത്തിലെ ആദ്യ ഗാനം  പുറത്തിറങ്ങി

അനൂപ് മേനോനും ഐശ്വര്യ മിഥുൻ കോറോത്തും പ്രധാന വേഷങ്ങളിൽ എത്തുന്ന ചിത്രം 'ചിരം' ഒക്ടോബർ 9ന്  റിലീസിനെത്തും.

https://youtu.be/te9jOqxIDnI?si=xBIViBt3fjfFgTV_

ചന്താരേ.... എന്നു തുടങ്ങുന്ന ചിത്രത്തിലെ അതിമനോഹരമായ ഒരു പ്രണയഗാനം പുറത്തിറങ്ങി.

സത്യജിത് പ്രൊഡക്ഷൻസിന്റെ ബാനറിൽ സത്യജിത് നായർ നിർമ്മിക്കുന്ന ചിത്രം സംവിധാനം ചെയ്തിരിക്കുന്നത് സിന്ധു പരടയിൽ, എൻ സുധീർ എന്നിവരാണ്.എന്റെ പ്രിയതമൻ എവിടെ എന്ന് നായികയും, പ്രിയ തമ എവിടെയെന്ന് നിനക്ക് മാത്രമേ അറിയൂ എന്ന് നായകനും ചന്ദ്രനോട് ചോദിക്കുന്ന.. കമിതാക്കളുടെ വിരഹത്തിന്റെ, പരിഭവ ത്തിന്റെ, തീക്ഷ്ണതയും തീവ്രതയും വേദനയുള്ള ഗാനത്തിന് ഈണം ഒരുക്കിയത് എം. ജയചന്ദ്രൻ. വരികൾ ബി. കെ ഹരിനാരായണൻ.

90' കളിലെ അതിമനോഹരമായ ഒരു പ്രണയവും പ്രണയത്തിന്റെ ഭാഗമാകുന്ന വിരഹവും, അത് നൽകുന്ന വേദനയും  എല്ലാം ഇഴ ചേർന്ന് നിൽക്കുന്ന ഒരു പ്രണയ കാവ്യമാണ്  'ചിരം' . കൊൽക്കത്തയിൽ ചിത്രീകരിച്ച ഗാനത്തിൽ പ്രശസ്തമായ ഹൗറ ബ്രിഡ്ജും, ഹൂഗ്ലി നദിയും വിശ്വഭാരതി സർവ്വകലാശാലയും കാണാം.

'ബാവുൾ- സംഗീതവും ജീവിതവും' എന്ന വിഷയത്തിൽ ഗവേഷണം നടത്തുന്നതിനായി കൊൽക്കത്തയിലെ വിശ്വഭാരതി സർവകലാശാലയിൽ  എത്തുന്ന സീത എന്ന മലയാളി പെൺകുട്ടി അവിടെവെച്ച്  തന്റെ പ്രൊഫസറുടെ സുഹൃത്തായ ഫ്രീലാൻസ് ഫോട്ടോഗ്രാഫർ സാമുമായി പ്രണയത്തി ലാകുന്നു. ഇവരുടെ പ്രണയവും വിരഹവും ജീവിതവും ചിത്രത്തിന്റെ പ്രമേയമാകുന്നു. ബാവുൾ ജീവിതവും ഗോത്ര ജീവിതവും തമ്മിലുള്ള സമാനതകളും ചിത്രത്തിന്റെ പ്രധാന ഭാഗമാണ്.

 ശ്രീകാന്ത് മുരളി,ഷെല്ലി കിഷോർ, ഗീതി സംഗീത, അമ്പിളി, തേജസ്വിനി ഭക്ത് എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നു. ചിത്രത്തിന്റെ കഥ സിന്ധു പരടയിൽ. തിരക്കഥ കെ. രാജഗോപാൽ, സിന്ധു പരടയിൽ. ക്യാമറ ആനന്ദ് ബാലകൃഷ്ണൻ.എഡിറ്റർ സി. വി സജയൻ. ലൈൻ പ്രൊഡ്യൂസർ സജിത്ത് കൃഷ്ണൻ. സംഗീതം എം. ജയചന്ദ്രൻ, ഗിരീഷ് നാരായൺ.ബി ജിഎം ഗിരീഷ് നാരായണൻ. മേക്കപ്പ് പ്രദീപ് രംഗൻ. ആർട്ട് ബിനോയ് തലകുളത്തൂർ. കോസ്റ്റ്യൂം പ്രദീപ് കാടക്കാശ്ശേരി.   സൗണ്ട് ഡിസൈൻ രംഗനാഥ് രവി. പ്രൊഡക്ഷൻ കൺട്രോളർ നിജില്‍ ദിവാകരൻ. ചീഫ് അസോസിയേറ്റ് ഡയറക്ടർ സുകു ദാമോദർ. പ്രൊഡക്ഷൻ മാനേജർ നിഷാന്ത് പന്നിയങ്കര. കളറിസ്റ്റ് ലിജു പ്രഭാകർ. കോറിയോഗ്രഫി - അയ്യപ്പദാസ്പ്രൊജക്ട് കൊ - ഓർഡിനേറ്റേഴ്സ് - കെ.ജെ വിനയൻ, ഗോപിനാഥ് മുറിയാട്.

പി ആർ ഓ മഞ്ജു ഗോപിനാഥ്. 

സ്റ്റിൽസ് ശ്രീജിത്ത് ചെട്ടിപ്പാടി.

പബ്ലിസിറ്റി ഡിസൈൻസ് -ആന്റണി സ്റ്റീഫൻ. കൽക്കട്ട, ഋഷീകേശ്, ധോണി,പാലക്കാട്, വാഗമൺ എന്നിവിടങ്ങളിൽ ഷൂട്ടിംഗ് പൂർത്തിയാക്കിയ ചിത്രം  ഒക്ടോബർ  9 ന് തീയറ്ററുകളിൽ വിതരണം ചെയ്യുന്നത് സത്യജിത് ഫിലിംസ് ത്രു വള്ളുവനാടൻ സിനിമാക്കമ്പനി.