"കടൽമീനുകൾ" സിനിമയുടെ ട്രൈലർ ലോഞ്ചും ഫസ്റ്റ് ലുക്ക് പോസ്റ്റർ പ്രകാശനവും അങ്കമാലി ഫിസാറ്റിൽ (എഞ്ചിനീയറിംഗ് കോളേജ്) നടന്നു.

"കടൽമീനുകൾ"  സിനിമയുടെ ട്രൈലർ ലോഞ്ചും ഫസ്റ്റ് ലുക്ക് പോസ്റ്റർ പ്രകാശനവും അങ്കമാലി ഫിസാറ്റിൽ(എഞ്ചിനീയറിംഗ് കോളേജ്) നടന്നു. 

ഫിസാറ്റ് ചെയർമാൻ പി ആർ ഷിമിത്ത്‌ ഫസ്റ്റ് ലുക്ക്‌ പോസ്റ്റർ പ്രകാശനം ചെയ്തു. നൂറിലേറെ കോളേജുകളിൽ നിന്നായി അഞ്ഞൂറിലേറെ കലാകാരന്മാർ പങ്കെടുത്ത,കലയുടെ സാംസ്ക്കാരിക പൈതൃകം വിളിച്ചറിയിച്ച,   ഇന്റർ കോളേജിയേറ്റ് ഫെസ്റ്റ്  "ഭരതം2026" ൽ വച്ചാണ് ചടങ്ങ് നടന്നത്. 

നാലായിരത്തിലേറെ വിദ്യാർത്ഥി-വിദ്യാർത്ഥി നികളും അദ്ധ്യാപകരു മുൾപ്പെടെ വലിയൊരു പ്രൗഢഗംഭീര സദസ്സിനെ സാക്ഷിയാക്കിനടന്ന ചടങ്ങിൽ കടൽമീനുകളുടെ സംവിധായകനും സംഗീത സംവിധായകനുമായ അജിത്‌ സുകുമാരൻ മലയാള സിനിമയുടെ ചരിത്ര ത്തിൽ എക്കാലത്തേയും ഹിറ്റ് ചിത്രങ്ങളുടെ തിരക്കഥാകൃത്തും സംവിധായകരും കടൽ മീനുകളിലെ അഭിനേതാക്കളുമായ മെക്കാർട്ടിൻ (റാഫി-മെക്കാർട്ടിൻ)രാജീവ് രംഗൻ, സലാംബാപ്പു, ഫാസിൽ കാട്ടുങ്കൽ, ഗാനരചയിതാവ്‌ സന്തോഷ് കോടനാട്,  ഇന്ത്യൻ സിനിമയിലെ ഏറ്റവും പ്രായം കുറഞ്ഞ സംഗീതസംവിധായിക ശ്രേയ. എസ്. അജിത്,ചീഫ് അസോസിയേറ്റ് ഡയറക്ടർ അസിം കോട്ടൂർ, ജിതിൻ കുമ്പുകാട്ട്, ജിജു ടി ബ്രൂസ്, സൽമാൻ അമീൻ മനോജ്‌ വോൾക്കാനോ, അശ്വതി അരകുർശ്ശി , ഫിസാറ്റ് ചെയർമാൻ  പി. ആർ.ഷിമിത്ത്,  പ്രിൻസിപ്പൽ ഡോ. ജേക്കബ്തോമസ് , ഡോ. മിനി പി.ആർ , ഭാരതം കോർഡിനേറ്റേഴ്‌സ് ആയ ശ്രുതി സുരേഷ്, എബിൻ തോമസ് എന്നിവർ പങ്കെടുത്തു.  

കടൽമീനുകളിൽ ജയമോഹൻ കടുങ്ങല്ലൂർ  എഴുതി   അജിത് സുകുമാരൻ സംഗീതം ചെയ്ത സങ്കരഗോത്രഭാഷാഗാനം അജിത് സുകുമാരനും  ശ്രേയ. എസ്. അജിത്തും ചേർന്നാലപിച്ചത്  പുതുതലമുറ "ജെൻസി" കരഘോഷങ്ങളോടെ ആഹ്ളാദത്തിമിർ പ്പോടെ ഏറ്റെടുത്തു. സിനിമക്കുള്ളിലെ സിനിമയുടെ കഥ പറയുന്ന കടൽമീനുകൾ ഉടൻ പ്രദർശനത്തിനെത്തും.