മികച്ച നടൻ : ജയസൂര്യ. മികച്ച നടി : അന്ന ബെൻ.
അന്പത്തിയൊന്നാമത് സംസ്ഥാന ചലച്ചിത്ര പുരസ്കാരങ്ങള് പ്രഖ്യാപിച്ചു.
മികച്ച നടനായി ജയസൂര്യയും, മികച്ച നടിയായി അന്ന ബെന്നും, മികച്ച പിന്നണി ഗായികയായി നിത്യമാമനും മികച്ച പിന്നണി ഗായകനായി ഷഹബാസ് അമനും തെരഞ്ഞെടുക്കപ്പെട്ടു.
നടിയും സംവിധായികയുമായ സുഹാസിനി മണിരത്നം അധ്യക്ഷയായ അന്തിമജൂറിയാണ് ചിത്രങ്ങള് തെരഞ്ഞെടുത്തത്. ചിത്രങ്ങളുടെ തിരഞ്ഞെടുപ്പിന് ചലച്ചിത്ര അക്കാദമി ദ്വിതല സംവിധാനം ഏര്പ്പെടുത്തിയ ശേഷമുള്ള ആദ്യ പുരസ്കാര പ്രഖ്യാപനമാണിത്.
സംവിധായകന് ഭദ്രന്, കന്നഡ സംവിധായകന് പി.ശേഷാദ്രി എന്നിവരാണ് പ്രാഥമിക ജൂറി അധ്യക്ഷൻമാർ. പ്രാഥമിക ജൂറിയില് എട്ട് അംഗങ്ങളും അന്തിമ ജൂറിയില് ഏഴ് അംഗങ്ങളുമാണുള്ളത്.
എഡിറ്റര് സുരേഷ് പൈ, ഗാനരചയിതാവ് മധു വാസുദേവന്, നിരൂപകന് ഇ.പി. രാജഗോപാലന്, ഛായാഗ്രാഹകന് ഷെഹ്നാദ് ജലാല്, എഴുത്തുകാരി രേഖാ രാജ്, തിരക്കഥാകൃത്തും ഗാനരചയിതാവുമായ ഷിബു ചക്രവര്ത്തി എന്നിവരാണ് പ്രാഥമിക വിധി നിര്ണയ സമിതിയിലെ അംഗങ്ങള്.
ഛായാഗ്രാഹകന് സി.കെ. മുരളീധരന്, സംഗീത സംവിധായകന് മോഹന് സിതാര, സൗണ്ട് ഡിസൈനര് ഹരികുമാര് മാധവന് നായര്, നിരൂപകനുംതിരക്കഥാകൃത്തുമായ എന്. ശശിധരന് എന്നിവര് അന്തിമജൂറിയിലെ അംഗങ്ങളാണ്.
ചലച്ചിത്ര അക്കാദമി സെക്രട്ടറി സി. അജോയ് ഇരുസമിതികളുടെയും മെമ്പർ സെക്രട്ടറിയായി പ്രവര്ത്തിക്കുന്നു.
നിരൂപകന് ഡോ. പി.കെ. രാജശേഖരനാണ് രചനാവിഭാഗം ജൂറിയുടെ ചെയര്മാന്. ചലച്ചിത്ര നിരൂപകരായ ഡോ. മുരളീധരന് തറയില്, ഡോ. ബിന്ദുമേനോന്, സി. അജോയ് (മെമ്പർ സെക്രട്ടറി) എന്നിവരാണ് മറ്റ് അംഗങ്ങള്.
നാലു കുട്ടികളുടെ ചിത്രങ്ങള് ഉള്പ്പെടെ എൺപത് ചിത്രങ്ങളാണ് 2020ലെ അവാർഡിനായി പരിഗണിച്ചത്.
No comments: