പ്രണയവും സൗഹൃദവും പ്രമേയമാക്കിയ " ഡ്യൂഡ് " പ്രേക്ഷക മനസ്സിൽ ഇടം നേടി മുന്നേറുന്നു

Movie :

DUDE

Director: 

Keerthiswaran  

Genre : 

Romantic  Comedy.

Platform :  

Theatre .

Language : 

Tamil

Time :

139 Minutes 4 Seconds.

Direction                     :   4   / 5

Performance.             :   4   / 5

Cinematography        :    3.5   / 5

Script.                           :    3.5 / 5

Editing                          :     3.5  / 5

Music   & BGM           :       3.5 / 5 

Rating :                          :     22  /30.

✍️

Saleem P. Chacko.

CpK DesK.

കീർത്തിശ്വരൻ തിരക്കഥയെഴുതി സംവിധാനം ചെയ്ത റൊമാൻ്റിക് കോമഡി ചിത്രം " ഡ്യൂഡ് " പ്രേക്ഷക മനസിൽ ഇടം നേടി മുന്നേറുന്നു .

പ്രദീപ് രംഗനാഥൻ ( അഗൻ ചിദംബരം ) , മമിത ബൈജു ( കൂരല രസി " കൂറൽ " " , ആർ. ശരത്കുമാർ ( മന്ത്രി അതിയമാൻ അഴകപ്പൻ ) , രോഹിണി ( ആഗൻ്റെ അമ്മ പാർവ്വതി ) , ഹൃദു ഹാറൂൺ ( കുറലിൻ്റെ കാമുകൻ പാരി ) , ഐശ്വര്യശർമ്മ ( സംയുക്ത ) , വിനോദിനി വൈദ്യനാഥൻ ( ഡോ നന്ദിനി ) , ദ്രാവിഡ് ശെൽവം ( അഗൻ്റെ സുഹൃത്ത് ലക്സ് ) , അവുഡയപ്പൻ ( റിപ്പോർട്ടർ ) , രാമചന്ദ്ര രാജു ( ഗജണ്ണൻ ) , നേഹ ഷെട്ടി ( അഗൻ്റെ മുൻ കാമുകി അമുദ ) , സത്യ ( രാഹുൽ ) എന്നിവർ വിവിധ കഥാപാത്രങ്ങളെ അവതരിപ്പിച്ചിരിക്കുന്നു. ബസൻ്റ് രവി ബേബി അനീഷ് മാലിക്ക് എന്നിവരും അഭിനയിക്കുന്നു. വോയിസ് ഓവർ നൽകിയിരിക്കുന്നത് ഷാ ആണ് .

അഗനും , കുറലും അടുത്ത സുഹൃത്തുക്കളും ബന്ധുകളുമാണ് . ആത്മാർത്ഥമായി പ്രണയിച്ച കാമുകി അഗനെ ഉപേക്ഷിച്ച് മറ്റൊരാളെ വിവാഹം കഴിക്കുന്നു . അവളുടെ വിവാഹത്തിന് അഗൻ പോകുന്നതാണ് സിനിമയുടെ തുടക്കം . പ്രണയം പരാജയപ്പെട്ടെങ്കിലും ജീവിതം മുന്നോട്ട് പോകാനാണ് അഗൻ ശ്രമിക്കുന്നത് . അഗൻ്റെ മുറപെണ്ണാണ് കുറൽ . കുറലിന് അഗലിനോട് പ്രണയവുമുണ്ട് . കുറൽ അഗനോട് പ്രണയം പറയുന്നു അഗൻ്റെയും കുറലിൻ്റെയും ജീവിതത്തിൽ ഉണ്ടാകുന്ന സംഭവങ്ങളാണ് സിനിമയുടെ പ്രമേയം .

നികേത് ബൊമ്മി ഛായാഗ്രഹണവും , ബരത് വിക്രമൻ എഡിറ്റിംഗും സായ് അഭ്യാങ്കർ സംഗീതവും ഒരുക്കിയിരിക്കുന്നു. മൈക്രി മൂവി മേക്കേഴിൻ്റെ ബാനറിൽ നവീൻ യേർനേനി , വൈ രവിശങ്കർ എന്നിവർ ചേർന്ന് ഈ ചിത്രം നിർമ്മിച്ചിരിക്കുന്നു .

നമ്മുടെ സമൂഹത്തിലെ ശക്തവും യഥാർത്ഥ്യ ബോധമുള്ളതുമായ വിഷയം സിനിമ പ്രതി പാദിക്കുന്നു. മാതാപിതാക്കൾ ക്കിടയിലെ ഇടുങ്ങിയ ചിന്താഗതികൾ , ജാതി , വിവാഹം എന്നിവ തുറന്ന് കാട്ടുന്നു. ചിലർ സ്വന്തം അഭിമാനം നിലനിർത്താൻ വേണ്ടി സ്വന്തം മക്കളെപ്പോലും ഉപദ്രവിക്കാൻ പോലും തയ്യാറാകുന്നു.

സംവിധായകനായ കീർത്തീശ്വരൻ തന്നെയാണ് കഥയും തിരക്കഥയും സംഭാഷണവും ഒരുക്കിയിരിക്കുന്നത്.  സിനിമകളിലുള്ള എല്ലാ എന്റർടെയ്ൻമെന്റ് ഘടകങ്ങളും ഈ സിനിമയിലുമുണ്ട്. കൂടാതെ സായ് അഭ്യങ്കറിന്റെ ഗാനങ്ങളും പശ്ചാത്തല സംഗീതവും കൂടിയാകുമ്പോൾ യൂത്തിന് ആഘോഷമാക്കാവുന്ന സിനിമയായി മാറി. പ്രദീപ് രംഗനാഥൻ , മമിത ബൈജു , ഹൃദു ഹാറൂൺ , ശരത്കുമാർ അഭിനയം ഗംഭീരം .

നായകനായി അഭിനയിച്ച മൂന്ന് സിനിമകളും 100 കോടി ഗ്രോസ്സ് നേടി പ്രദീപും ചരിത്രം കുറിച്ചു. ആദ്യമായി അഭിനയിച്ച മൂന്ന് സിനിമകള്‍ക്കും 100 കോടിയുടെ ഗ്രോസ് ഉള്ള മറ്റ് നടന്മാരാരും ഇന്‍ഡ്‌സ്ട്രിയിലില്ല. സംവിധാനം ചെയ്ത ആദ്യ ചിത്രം അൻപത് കോടിയിലധികം കളക്ഷന്‍ നേടി.