വൈലോപ്പിള്ളി കവിത സിനിമയാകുന്നു. '' കൃഷ്ണാഷ്ടമി". ടൈറ്റിൽ പോസ്റ്റർ പുറത്തിറങ്ങി . ജിയോ ബേബി മുഖ്യറോളിൽ .

വൈലോപ്പിള്ളി കവിത  സിനിമയാകുന്നു. '' കൃഷ്ണാഷ്ടമി". ടൈറ്റിൽ പോസ്റ്റർ പുറത്തിറങ്ങി . ജിയോ ബേബി മുഖ്യറോളിൽ .

മലയാളം സാഹിത്യത്തിലെ പ്രശസ്ത കവിയായ വൈലോപ്പിള്ളി ശ്രീധരമേനോന്റെ കവിത സിനിമ യാകുന്നു. ജിയോ ബേബിയെ  പ്രധാന കഥാപാത്രമാക്കി ഡോക്ടർ അഭിലാഷ് ബാബു തിരക്കഥയെഴുതി സംവിധാനം ചെയ്യുന്ന "കൃഷ്ണാഷ്ടമി-the book of dry leaves " എന്ന ചിത്രത്തിന്റെ ടൈറ്റിൽ പോസ്റ്റർ റിലീസായി.

വൈലോപ്പിള്ളിയുടെ 'കൃഷ്ണാഷ്ടമി' എന്ന കവിതയുടെ ആധുനികകാല സിനിമാറ്റിക് വായനയാണ് ഈ സിനിമ. 'ആലോകം'', ''മായുന്നു, മാറിവരയുന്നു, നിശ്വാസങ്ങളിൽ" എന്നീ സ്വതന്ത്ര പരീക്ഷണ ചിത്രങ്ങൾക്ക് ശേഷം ഡോക്ടർ അഭിലാഷ് ബാബു ഒരുക്കുന്ന ''കൃഷ്ണാഷ്ടമി- the book of dry leaves"എന്ന സിനിമയുടെ ഫസ്റ്റ് ലുക് പോസ്റ്റർ പുറത്തിറങ്ങി. വൈലോപ്പിള്ളി ശ്രീധരമേനോൻ, അഭിലാഷ് ബാബു എന്നിവരുടെ വരികൾക്ക് ഔസേപ്പച്ചൻ  സംഗീത സംവിധാനം നിർവ്വഹിക്കുന്നു.

ജിയോ ബേബിയെ കൂടാതെ ഓഡിഷനിലൂടെ തിരഞ്ഞെടുക്ക പ്പെടുന്ന പുതുമുഖ നടീനടന്മാരും ഈ സിനിമയിൽ അഭിനയിക്കുന്നുണ്ട്. വിഖ്യാത ബ്രിട്ടീഷ് കവി റോബർട്ട് ബ്രൗണിങ്ങിൻ്റെ അഞ്ച് ഡ്രമാറ്റിക് മോണൊലോഗുകളെ സിനിമക്കു ള്ളിലെ സിനിമയായി അവതരിപ്പിച്ച അഭിലാഷ് ബാബുവിൻ്റെ ആദ്യ സിനിമയായ 'ആലോകം: Rangs of Vision' (2023) വിദേശങ്ങളിലുൾപ്പെടെ ഫിലിം സൊസൈറ്റികളിലും  യൂണിവേഴ്സിറ്റികളിലെയും  കോളേജുകളിലെയും മീഡിയ, സാഹിത്യ ഡിപ്പാർട്ട്മെൻ്റുകളിലും പ്രദർശിപ്പിച്ചുവരുന്നു. 2024ൽ പുറത്തിറങ്ങിയ മോക്യുമെൻ്ററി സിനിമ 'മായുന്നു, മാറിവരയുന്നു, നിശ്വാസങ്ങളിൽ...

'(Dust Art Redrawn in Respiration) 29-ാമത് IFFK യിൽ പ്രീമിയർ ചെയ്തിരുന്നു. ഒറ്റപ്പാലം ഡയലോഗ് ഫിലിം ഫെസ്റ്റിവൽ, കേരള യൂണി വേഴ്സിറ്റി ഫിലിം ഫെസ്റ്റിവൽ എന്നിവിടങ്ങളിലും മലയാളസിനിമ വിഭാഗത്തിൽ പ്രദർശിപ്പിക്കപ്പെട്ടു. മാർച്ചിൽ ചിത്രീകരണം ആരംഭിക്കുന്ന "കൃഷ്ണാഷ്ടമി... " എന്ന ചിത്രത്തിന്റെ ഛായാഗ്രഹണം ജിതിൻ മാത്യു നിർവ്വഹിക്കുന്നു.എഡിറ്റ്,സൗണ്ട്-അനു ജോർജ്,പ്രൊഡക്ഷൻ ഡിസൈൻ-ഡിലീപ് ദാസ്,പ്രൊജക്ട് ഡിസൈൻ-ഷാജി എ ജോൺ,പ്രൊഡക്ഷൻ കൺട്രോളർ-ജയേഷ് എൽ ആർ,പി ആർ ഒ-എ എസ് ദിനേശ്.