എഡിറ്റർ സൈജു ശ്രീധരൻ ചിത്രത്തിൽ മഞ്ജു വാര്യർ നായിക.

 

എഡിറ്റർ സൈജു ശ്രീധരൻ ചിത്രത്തിൽ  മഞ്ജു വാര്യർ നായിക. 

അഞ്ചാം പാതിരാ, കുമ്പളങ്ങി നൈറ്റ്സ്, മഹേഷിൻ്റെ പ്രതികാരം തുടങ്ങി നിരവധി ഹിറ്റ് സിനിമകളുടെ എഡിറ്റർ സൈജു ശ്രീധരൻ ആദ്യമായി സംവിധാനം ചെയ്യുന്ന സിനിമയിൽ മഞ്ജു വാര്യർ കേന്ദ്ര കഥാപാത്രമായി എത്തുന്നു. ഫൗണ്ട് ഫൂട്ടേജ് എന്ന മേക്കിംഗ് രീതിയാണ് ഈ സിനിമയിൽ ഉപയോഗിക്കുന്നത്. മലയാളത്തിൽ ആദ്യമായിട്ടാണ് ഈത്തരത്തിൽ ഒരു സിനിമ വരുന്നത്. സൈജു ശ്രീധരൻ ശബ്ന മുഹമ്മദ്‌ എന്നിവർ ചേർന്നാണ് ചിത്രത്തിൻ്റെ രചന നിർവഹിക്കുന്നത്. സൈജു ശ്രീധരൻ തന്നെയാണ് സിനിമയുടെ എഡിറ്റർ. മഞ്ജു വാര്യരെ കൂടാതെ മാമുക്കോയ നഞ്ചിയമ്മ തുടങ്ങിയ പ്രശസ്ത താരങ്ങൾ ഈ ചിത്രത്തിൽ അഭിനയിക്കുന്നു. സുഷിൻ ശ്യാം  സംഗീതവും പശ്ചാത്തല സംഗീതവും ഒരുക്കുന്നു.

മൂവി ബക്കറ്റ്,   പെയിൽ ബ്ലു ഡോട്ട് ഫിലിംസ്, കാസ്റ്റ് എൻ കോ എൻ്റർടെയ്ൻമെൻ്റ്സ്, എന്നീ ബാനറിൽ ബിനീഷ് ചന്ദ്രൻ സൈജു ശ്രീധരൻ എന്നിവർ ചേർന്നാണ് ഈ സിനിമ നിർമിക്കുന്നത്. കോ പ്രൊഡ്യുസർ-രാഹുൽ രാജീവ്, സുരാജ് മേനോൻ,ആർട്ട് ഡയറക്ടർ- അപ്പുണ്ണി സാജൻ, കോസ്റ്റ്യൂംസ്-സമീറ സനീഷ്, ചമയം- റോണക്സ് സേവ്യർ, സ്റ്റണ്ട്-ഇർഫാൻ അമീർ, കൺട്രോളർ-കിഷോർ പുറക്കാട്ടിരി.

തൊടുപുഴ പരിസരപ്രദേശങ്ങളിലാണ് ചിത്രത്തിൻ്റെ ചിത്രീകരണം. 

എ.എസ് ദിനേശ്

ശബരി 

( പി.ആർ.ഓ )