വരുൺ ധവാന്റെ " ഭേദിയ " നാളെ തിയേറ്ററുകളിൽ എത്തും.
അമർ കൗശിക് സംവിധാനം ചെയ്യുന്ന ഹിന്ദി കോമഡി ഹൊറർ ചിത്രം ഭേദിയ ( Bhediya ) നാളെ ( നവംബർ 25) തിയേറ്ററുകളിൽ എത്തും.
വരുൺ ധവാൻ , കൃതിക സനോൺ , ദീപക്
ഡോബ്രിയാൽ , അഭിഷേക് ബനാർജി, പാലിൻ , ശ്രദ്ധകപൂർ, അർണോബ് ഖാൻ അകിബ്, ശരദ് കേൽക്കർ തുടങ്ങിയവർ ഈചിത്രത്തിൽ
അഭിനയിക്കുന്നു.
നിരേൻ ഭട്ട് രചനയും , ജിഷ്ണു ഭട്ടചാരി ഛായാഗ്രഹണവും, സംയുക്ത കാസ എഡിറ്റിംഗും , സച്ചിൻ ജിഗർ സംഗീതവും നിർവ്വഹിക്കുന്നു.
മഡോക് ഫിലിംസ് , ജിയോ സ്റ്റുഡിയോസ് എന്നിവയുടെ ബാനറിൽ ദിനേശ് വിജനാണ് ചിത്രം നിർമ്മിച്ചിരിക്കുന്നത്.
വർഷത്തിൽ ഒരിക്കൽ സംഭവിക്കുന്ന വളരെ സവിശേഷവും മാന്ത്രികവുമായ ഒരു രാത്രിയിൽ ഭാസ്കറിന് ചെന്നായയുടെ കടിയേറ്റു. ആ കടിയിൽ ചെന്നായയുടെ കഴിവുകളും സവിശേഷതകളും അയാൾക്ക് ലഭിക്കുന്നു. മാത്രവുമല്ല പൗർണ്ണമി രാത്രികളിൽ ഭാസ്കർ ചെന്നയായി മാറുന്നു. തുടർന്ന് നടക്കുന്ന സംഭവങ്ങളാണ് സിനിമയുടെ പ്രമേയം. ദിനേശ് വിജന്റെ കോമഡി - ഹൊറർ പശ്ചാത്തലത്തിലുള്ള മുന്നാമത്തെ ചിത്രമാണിത്.
സലിം പി. ചാക്കോ
cpK desK.
No comments: