പെപ്പേ ഇനി അയൽവക്കത്തെ പയ്യൻ - വിനീത് വാസുദേവന്റെ " പൂവൻ" ഒഫീഷ്യൽ ഫസ്റ്റ് ലുക്ക് പുറത്തിറങ്ങി.
'സൂപ്പര് ശരണ്യ' എന്ന ചിത്രത്തിനു ശേഷം ഷെബിന് ബക്കര് പ്രൊഡക്ഷന്സും സ്റ്റക്ക് കൗവ്സ് പ്രൊഡക്ഷൻസും സംയുക്തമായി നിര്മ്മിച്ച്, ആന്റണി വര്ഗീസ് നായകനായെത്തുന്ന പുതിയ ചിത്രം 'പൂവന്റെ' ഒഫീഷ്യൽ ഫസ്റ്റ്ലുക്ക് പുറത്തിറങ്ങി.
സമീപകാല ആക്ഷൻ കഥാപാത്രങ്ങളിൽ നിന്നും വ്യത്യസ്തമായി, ഏറെ രസകരമായ ഒരു കഥാപാത്രത്തെയാണ് 'പൂവനിൽ' ആന്റണി വർഗ്ഗീസ് അവതരിപ്പിക്കുന്നത്.
'സൂപ്പര് ശരണ്യ' എന്ന ചിത്രത്തിലെ ക്യാമ്പസ് വില്ലനായ അജിത് മേനോനെ അവതരിപ്പിച്ച് ശ്രദ്ധ നേടിയ വിനീത് വാസുദേവനാണ് ചിത്രം സംവിധാനംചെയ്തിരിക്കുന്നത്.
സൂപ്പര് ശരണ്യ, അജഗജാന്തരം, തണ്ണീര്മത്തന് ദിനങ്ങള് തുടങ്ങിയ ചിത്രങ്ങളിൽ അഭിനയിച്ച വരുൺ ധാരയാണ് ചിത്രത്തിന്റെ തിരക്കഥാകൃത്ത്. 'സൂപ്പര് ശരണ്യ'യില് ആന്റണി വർഗ്ഗീസും അതിഥിവേഷത്തില് അഭിനയിച്ചിരുന്നു.
സമീപകാലത്ത് ഏറെ ചർച്ചചെയ്യപ്പെട്ട 'അനുരാഗ് എഞ്ചിനീയറിംഗ് വർക്ക്സ്' എന്ന ഹ്രസ്വചിത്രത്തിലൂടെ ശ്രദ്ധേയരായ വിനീത് വാസുദേവൻ, അഖില ഭാർഗ്ഗവൻ എന്നിവർ 'പൂവനിൽ' പ്രധാനകഥാപാത്രങ്ങളാകുന്നുണ്ട്. കൂടാതെ മണിയന് പിള്ള രാജു, വരുണ് ധാര, വിനീത് വിശ്വം, സജിന് ചെറുകയില്, അനിഷ്മ,റിങ്കു,സംവിധായകനും നിർമ്മാതാവുമായ ഗിരീഷ് എഡി എന്നിവരും ഈ ചിത്രത്തിൽപ്രധാനകഥാപാത്രങ്ങളെ അവതരിപ്പിക്കുന്നു.
സുഹൈല് കോയയുടെ വരികള്ക്ക് ഗരുഢ ഗമന ഋഷഭ വാഹന, ഒണ്ടു മൊട്ടൈയ കഥൈ,തുടങ്ങിയചിത്രങ്ങളിലൂടെ പ്രശസ്തനായ മിഥുന് മുകുന്ദനാണ് ചിത്രത്തിന് ഈണം പകര്ന്നിരിക്കുന്നത്. മമ്മൂട്ടി ചിത്രമായ റോഷാകിലും മിഥുന് മുകുന്ദൻ സംഗീതം പകരുന്നുണ്ട്. ചിത്രത്തിന്റെ ഛായാഗ്രഹണംനിർവഹിച്ചിരിക്കുന്നത് സജിത്ത് പുരുഷൻ ആണ്.
ചിത്രസംയോജനം: ആകാശ് ജോസഫ് വർഗ്ഗീസ്, കലാസംവിധാനം: സാബു മോഹന്, കോസ്സ്യും ഡിസൈന്: ധന്യാ ബാലകൃഷ്ണന്, മേക്കപ്പ്: സിനൂപ് രാജ്, ചീഫ് അസ്സോസ്സിയേറ്റ് ഡയറക്ടര്: സുഹൈല്എം,അസ്സോസ്സിയേറ്റ് ഡയറക്ടേര്സ്: വിഷ്ണു ദേവന്, സനത്ത് ശിവരാജ്; സംവിധാന സഹായികള്: റിസ് തോമസ്, അര്ജുന് കെ. കിരണ് ജോസി, ഫിനാന്സ് കണ്ട്രോളര്: ഉദയന് കപ്രശ്ശേരി, പ്രൊഡക്ഷന് മാനേജേഴ്സ്: എബി കോടിയാട്ട്, മനു ഗ്രിഗറി; പ്രൊഡക്ഷന് എക്സിക്യൂട്ടീവ്: രാജേഷ്മേനോന്,പ്രൊഡക്ഷന് കണ്ട്രോളര്: അലക്സ് ഇ. കുര്യന്, സ്റ്റില്സ്: ആദര്ശ് സദാനന്ദന്, സൗണ്ട് ഡിസൈൻ: ശങ്കരൻ എ എസ്, കെ സി സിദ്ധാർത്ഥൻ, അസോസിയേറ്റ് ക്യാമറാമാൻ: ക്ലിന്റോ ആന്റണി, ഡിസൈൻസ്: യെല്ലോ ടൂത്ത്സ്, പി.ആര്.ഒ: വാഴൂര് ജോസ്, മാർക്കറ്റിംഗ്: ഹെയിൻസ്.
No comments: