ഞാൻ നടന്നാൽ തുളുമ്പും.. 'ഇലവീഴാപൂഞ്ചിറ'യിലെ സുധി കോപ്പയുടെ തകർപ്പൻ നൃത്തം! ചിത്രം ജൂലായ്‌ 15 ന്‌ റിലീസ് ചെയ്യും.
സൗബിൻ നായകനായെത്തുന്ന ഏറ്റവും പുതിയ ചിത്രം 'ഇലവീഴാപൂഞ്ചിറ'യുടെ രണ്ടാം ടീസർ പുറത്തിറങ്ങി. സുധി കോപ്പയുടെ രസകരമായ ഒരു നൃത്തരംഗമാണ് ടീസറിൽ പ്രദർശിപ്പിക്കുന്നത്. 1981ൽ പുറത്തുവന്ന സോമന്റെ 'അധരങ്ങൾ വിതുമ്പുന്നു' എന്ന സിനിമയിലെ 'ഞാൻ നടന്നാൽ' എന്ന ഗാനത്തിനാണ് സുധി കോപ്പ നൃത്തം ചെയ്യുന്നത്. 80കളിൽ പുറത്തിറങ്ങിയ ഐറ്റം ഗാനത്തിന് തികച്ചും ഹാസ്യം പുലർത്തുന്ന ചുവടുകളാണ് സുധി കോപ്പ ഒരു മുണ്ട് നെഞ്ച് വരെ മുറുകിക്കെട്ടി തകർത്താടിയിരിക്കുന്നത്.
കോട്ടയം ജില്ലയിലെ, സമുദ്രനിരപ്പിൽ നിന്നും മൂവായിരത്തിലധികം അടി ഉയരത്തിൽ സ്ഥിതി ചെയ്യുന്ന ഒറ്റപ്പെട്ട വിനോദസഞ്ചാര മേഖലയായ 'ഇലവീഴാപൂഞ്ചിറ' കേന്ദ്രീകരിച്ചാണ്‌ ചിത്രം അരങ്ങേറുന്നത്‌. സൗബിൻ ഷാഹിർ, സുധീ കോപ്പ, ജൂഡ്‌ ആന്റണി ജോസഫ് എന്നിവരാണ് 'ഇലവീഴാപൂഞ്ചിറ'യിൽ പ്രധാന കഥാപാത്രങ്ങളെ അവതരിപ്പിക്കുന്നത്. പോലീസ് ഉദ്യോഗസ്ഥനായി നിരവധി വർഷത്തെ സേവനമുള്ള ഷാഹി കബീർ തിരക്കഥ ഒരുക്കിയ ചിത്രങ്ങളാണ് 'നായാട്ട്', 'ജോസഫ്' എന്നിവ. ജനപ്രീതിയും ദേശീയ-അന്തർദേശീയ തലത്തിൽ നിരൂപക പ്രശംസയും നേടിയ വ്യത്യസ്തമായ പോലീസ് ചിത്രങ്ങളുടെ തിരക്കഥാകൃത്തായി ഈ വർഷത്തെ സംസ്ഥാന അവാർഡ്‌ സ്വന്തമാക്കിയ ഷാഹി കബീർ ഇതാദ്യമായി സംവിധാന രംഗത്തേക്ക് കടക്കുന്നതും അത്യന്തം വ്യത്യസ്തമായ ഒരു പോലീസ് സ്റ്റോറി ഒരുക്കികൊണ്ടാണ്.
ഛായാഗ്രഹണം: മനേഷ്‌ മാധവൻ, ചിത്രസംയോജനം: കിരൺ ദാസ്‌, സംഗീതം: അനിൽ ജോൺസൺ, രചന: നിധീഷ്, തിരക്കഥ: നിധീഷ് - ഷാജി മാറാട്, ഡി. ഐ/കളറിസ്റ്റ്: റോബർട്ട് ലാങ്, പ്രൊഡക്ഷൻ ഡിസൈൻ: ദിലീപ് നാഥ്, സൗണ്ട് മിക്സിംഗ്: പ്രമോദ് തോമസ്, സൗണ്ട് ഡിസൈൻ: അജയൻ അടാട്ട്‌, സ്റ്റുഡിയോ: ആഫ്റ്റർ സ്റ്റുഡിയോസ് (മുംബൈ), എക്സിക്യൂട്ടിവ് പ്രൊഡ്യൂസർ: അഗസ്റ്റിൻ മസ്കരാനസ്, കോസ്റ്റ്യൂം ഡിസൈൻ: സമീറ സനീഷ്, മേയ്ക്കപ്പ്‌: റോണക്സ് സേവ്യർ, സിങ്ക് സൗണ്ട്: പി സാനു, പ്രൊഡക്ഷൻ കൺട്രോളർ: ബിനു മുരളി, സംഘട്ടനം: മുരളി ജി, ചീഫ്‌ അസോസിയേറ്റ് ഡിറക്ടർ: ജിത്തു അഷ്റഫ്, പ്രൊഡക്ഷൻ എക്സിക്യൂട്ടിവ്: റിയാസ്‌ പട്ടാമ്പി, വി എഫ് എക്സ്: മൈൻഡ് സ്റ്റീൻ സ്റ്റുഡിയോസ് - എഗ്ഗ് വൈറ്റ് സ്റ്റുഡിയോസ്, സ്റ്റിൽസ്: നിദാദ് കെ.എൻ, പബ്ലിസിറ്റി ഡിസൈൻ: യെല്ലോടൂത്ത്സ്, പി.ആർ.ഒ: മഞ്ജു ഗോപിനാഥ്, മാർക്കറ്റിംഗ്‌: ഹെയിൻസ്‌.
No comments: