" ചെക്കൻ " ഉടൻ തീയേറ്ററുകളിലേക്ക് . ചിത്രത്തിന് ക്ലീൻ U സർട്ടിഫിക്കറ്റ്.
വയനാടിന്റെ പശ്ചാത്തലത്തിൽ വൺ ടു വൺ മീഡിയയുടെ ബാനറിൽ മൻസൂർ അലി നിർമ്മിച്ച് നവാഗതനായ ഷാഫി എപ്പിക്കാട് രചനയും സംവിധാനവും നിർവഹിക്കുന്ന 'ചെക്കൻ ' മൂവി സെൻസറിങ് നടപടികൾ പൂർത്തിയാക്കി റിലീസിനൊരുങ്ങുന്നു.
കഴിഞ്ഞവർഷം ചിത്രീകരണം പൂർത്തിയാക്കിയ ചിത്രം കോവിഡ് പ്രധിസന്ധി കാരണം റിലീസിങ്ങ് വൈകി.
വിഷ്ണു പുരുഷൻ നായകനായെത്തുന്ന സിനിമയിൽ നഞ്ചിയമ്മ, വിനോദ് കോവൂർ, തസ്നിഖാൻ, അബുസലിം, അലി അരങ്ങാടത്ത്, ആതിര, ഷിഫാന, അബു സാലിം തുടങ്ങി ഒട്ടേറെ നാടക കലാകാരന്മാരും, പുതു മുഖങ്ങളും വേഷമിടുന്നു,
സംഗീതത്തിന് ഏറെ പ്രാധാന്യമുള്ള ചെക്കന് വരികൾ എഴുതി സംഗീതം നൽകിയത് നഞ്ചിയമ്മയും, മണികണ്ഠൻ പെരുമ്പടപ്പും, ഒ. വി അബ്ദുല്ലയുമാണ്. മലർകൊടിയേ.. എന്ന് തുടങ്ങുന്ന ചിത്രത്തിലെ ഗാനം സോഷ്യൽ മീഡിയകളിലൂടെ വീക്ഷിച്ചത് 4മില്യണിലധികം കാണികളാണ്.
സുരേഷ് റെഡ് വൺ ക്യാമറയും, ജർഷാജ് എഡിറ്റിങ്ങും നിർവഹിക്കുന്നു.
പശ്ചാത്തല സംഗീതം സിബു സുകുമാരൻ, മെയ്ക്കപ്പ് ഹസ്സൻ വണ്ടൂർ, കല ഉണ്ണി നിറം. പ്രൊ.കൺട്രോളർ ഷൌക്കത്ത് വണ്ടൂർ, പ്രൊജക്റ്റ് ഡിസൈനർ അസിം കോട്ടൂർ.
മെയ്മാസം ചെക്കനെ തിയേറ്ററിൽ എത്തിക്കാമെന്ന പ്രതീക്ഷയിലാണ് അണിയറ പ്രവർത്തകർ.
അജയ് തുണ്ടത്തിൽ
( പി.ആർ. ഓ )
No comments: