" തീ'' സിനിമയിലെ പാട്ടുകളുടെ ഓഡിയോ സിഡിയും പാട്ടു പുസ്തകവും പ്രകാശനം ചെയ്തു.

'തീ' സിനിമയിലെ പാട്ടുകളുടെ ഓഡിയോ സിഡിയും പാട്ടു പുസ്തകവും പ്രകാശനം.

മലയാളചലച്ചിത്ര ലോകത്ത് മനോഹര ഗാനങ്ങളാൽ വസന്തംസൃഷ്ടിച്ചപ്രിയങ്കരനായ വയലാർ രാമവർമ്മയുടെ

വീട്ടുമുറ്റത്ത്,പഴയകാല 

മധുര സ്മരണകളുണർത്തി 'തീ' സിനിമയിലെ പാട്ടുകളുടെ ഓഡിയോ സിഡിയും പാട്ടു പുസ്തകവും പ്രകാശനം ചെയ്തു.

അനിൽ വി.നാഗേന്ദ്രൻ രചനയും സംവിധാനവും നിർവ്വഹിച്ച്റിലീസിനൊരുങ്ങുന്ന 'തീ' എന്ന ചിത്രത്തിലെ ഓഡിയോ സി.ഡി.യും പാട്ടു പുസ്തകവും വിപ്ലവ ഗായികയും സ്വാതന്ത്ര്യ സമര സേനാനിയുമായ പി.കെ. മേദിനിയ്ക്ക് നൽകിക്കൊണ്ട് വയലാർശരത്ചന്ദ്രവർമ്മയാണ് പുറത്തിറക്കിയത്.

മലയാളചലച്ചിത്ര ഗാനങ്ങളുടെ വസന്തകാലം എന്നു വിശേഷിപ്പിക്കപ്പെടുന്ന അറുപതുകളിലേയും എഴുപതുകളിലേയും ഒത്തിരി ഓർമ്മകളെയുണർത്തിക്കൊണ്ട് അക്കാലത്തെ സിനിമാ തീയേറ്ററുകളെ സജീവമാക്കിയിരുന്ന പാട്ടുപുസ്തകവും ഇഞ്ചി മിഠായിയും നാരങ്ങാമിഠായിയും കടലയും കപ്പലണ്ടിയുമൊക്കെ ചടങ്ങിൽ വിതരണം ചെയ്തു.

 ഏറെക്കാലത്തിനു ശേഷം മനോഹരങ്ങളായ നിരവധി മെലഡികളാൽ സമ്പന്നമാണ് 'തീ' എന്ന ചിത്രം . സംഗീത ലോകത്തേയ്ക്ക് നിരവധി പുതുമുഖങ്ങളെ അവതരിപ്പിക്കുന്ന ചിത്രം കൂടിയാണ് 'തീ ' .

അനിൽ വി. നാഗേന്ദ്രൻ എഴുതിയ ഗാനങ്ങൾക്ക് ജോസഫ് , അഞ്ചൽ ഉദയകുമാർ , സി.ജെ കുട്ടപ്പൻ , അനിൽ വി.നാഗേന്ദ്രൻ എന്നിവർ ഈണമിട്ട്  

ഉണ്ണി മേനോൻ , പി.കെ. മേദിനി, ശ്രീകാന്ത്, സി.ജെ. കുട്ടപ്പൻ , ആർ.കെ.രാമദാസ്, കലാഭവൻ സാബു , മണക്കാട് ഗോപൻ, രജു ജോസഫ്, ശുഭ രഘുനാഥ്, സോണിയ ആമോദ്, കെ.എസ്. പ്രിയ, നിമിഷ സലിം (എം. എസ്.ബാബുരാജിന്റെ കൊച്ചുമകൾ) , റജി കെ.പപ്പു , കുമാരി വരലക്ഷ്മി തുടങ്ങിയവരും ചിത്രത്തിലെ അഭിനേതാക്കളായ അരിസ്റ്റോ സുരേഷ്, ഉല്ലാസ് പന്തളം എന്നിവരും പാടിയിരിയ്ക്കുന്നു. നവോത്ഥാന നായകനും ബഹുമുഖ പ്രതിഭയുമായ ഡോക്ടർ വി.വി. വേലുക്കുട്ടി അരയന്റെ കവിതയും ചിത്രത്തിൽ ഉൾപ്പെടുത്തിയിട്ടുണ്ട്. വിശാരദ് ക്രിയേഷൻസ് യൂ ട്യൂബ് ചാനൽ വഴി തീ യിലെ ഗാനങ്ങൾ റിലീസ് ചെയ്തപ്പോൾത്തന്നെ വമ്പിച്ച ജനപ്രീതിയാണ് നേടിയത്. 

ചടങ്ങിൽ സംവിധായകൻ അനിൽ വി. നാഗേന്ദ്രൻ , സംഗീത സംവിധായകൻ അഞ്ചൽ ഉദയകുമാർ, ഗായകരായ കലാഭവൻ സാബു ,ശുഭ രഘുനാഥ് തുടങ്ങിയവർ പങ്കെടുത്തു. 

പ്രകാശന ദിനം വയലാർ ശരത്ചന്ദ്രവർമ്മയുടെ ജന്മദിനം കൂടി ആയതിനാൽ പി.കെ മേദിനിയും അനിൽ വി. നാഗേന്ദ്രനും ചേർന്ന് ജന്മദിന സമ്മാനം നൽകി അദ്ദേഹത്തെ ആദരിച്ചു. എത്രയും വേഗം  തീ  ' എന്ന ചിത്രം ജനങ്ങളിലേയ്ക്കെത്തുമെന്ന് സംവിധായകൻ അനിൽ വി. നാഗേന്ദ്രൻ പറഞ്ഞു.

പി ആർ ഒ-എ എസ് ദിനേശ്.