പ്രതീക്ഷയോടെ ബേബി ഇവാനിയ നാഷ്.

നിരവധി പരസ്യ ചിത്രങ്ങളിലൂടെയും  വൈറൽ വീഡിയോയോകളിലൂടെയും  സാമൂഹ്യ മാധ്യമങ്ങളിൽ തരംഗം സൃഷ്ടിച്ച് പ്രേക്ഷരുടെ പ്രിയങ്കരിയായ  ബാലതാരമാണ് ഇവാനിയ നാഷ് 

ചിത്രീകരണം പൂർത്തിയായ "പൈൻ മരങ്ങളുടെ നാട്ടിൽ"

 എന്ന ചിത്രത്തിൽ  പ്രധാന  കഥാപാത്രത്തെ അവതരിപ്പിച്ചുകൊണ്ട് മലയാള സിനിമയിൽ അരങ്ങേറ്റം കുറിക്കുകയാണ്  ഇവാനിയ നാഷ്.

 ദേശീയ അവാർഡിന്റെ അവസാന റൗണ്ടിലെത്തിയ - സമീർ - എന്ന ചിത്രത്തിന്റെ സംവിധായകനായ റഷീദ് പാറയ്ക്കലാണ് ഈ  ചിത്രത്തിന്റെ സംവിധായകൻ. അന്താരാഷ്‌ട്ര തലത്തിൽ ശ്രദ്ധേയമായേക്കാവുന്ന ഒരു വിഷയം കൈകാര്യം ചെയ്യുന്ന ഈ സിനിമക്ക് ഒട്ടേറേ  പുതുമകൾ ഉണ്ട്. ഈ സിനിമയിൽ തനിക്കു കിട്ടിയ വ്യത്യസ്‍തമായ കാഥാപാത്രത്തെ തന്മയത്തത്തോടെ അവതരിപ്പിച്ചതിന്റ ആത്മവിശ്വാസത്തിലാണ് ഇവാനിയ. മലയാളികളുടെ മനസിൽ ഓമന തിങ്കൾ കിടാവായ പഴയ ബേബി ശാലിനിയുടെ അതേ രൂപ സാദൃശ്യം കൊണ്ടും ഒരേ ദിനം തന്നെ ജന്മദിനം എന്നതും കൊണ്ടും  നേരത്തെ തന്നെ ശ്രേധേയമായതാണ് ഇവാനിയ എന്ന ഈ കൊച്ചുമിടുക്കി. സാമൂഹ്യ മാധ്യമങ്ങളിൽ നിന്നും മലയാള സിനിമയുടെ  കലാ ലോകത്തേക്ക് ഇവാനിയ എന്ന കൊച്ചു മിടുക്കി എത്തുമ്പോൾ മൈയാ സിനിമക്ക് ലഭിക്കുന്നത് പുതിയ  സൗഭാഗ്യമാണ്.

 ഇന്ത്യൻ സിനിമയുടെ ഇതിഹാസമായ മോഹൻലാലിനൊപ്പം പരസ്യ ചിത്രത്തിലൂടെ  അഭിനയിച്ച് പ്രൊഫഷണൽ അഭിനയ രംഗത്തേക് ചുവടുറപ്പിച്ച ഇവാനിയ ഒട്ടനവധി പരസ്യ ചിത്രങ്ങളിലൂടെയും, ആൽബം സോങിലൂടെയും, അടുത്തിറങ്ങിയ ഫ്ലവർസ് ടിവിയുടെ ഓണം പ്രോമോ സോങിലൂടെയും തന്റെ വരവ് ഗംഭീരമാക്കി ഈ കൊച്ചുമിടുക്കി നല്ല വേഷങ്ങളിലൂടെ സിനിമയിൽ സജീവമാകാൻ  ആഗ്രഹിക്കുന്നു. 

ഉടനെ ചിത്രീകരണം ആരംഭിക്കുന്ന ഒരു തമിഴ് സിനിമയിലും ഇവാനിയ കരാറായിട്ടുണ്ട്. കണ്ണൂർ കുടിയാന്മലയിലെ നാഷ് - സോണിയ ദമ്പതികളുടെ  മകളാണ് ഇവാനിയ നാഷ്.