"അറിവാൻ " ട്രെയിലർ പുറത്തിറങ്ങി

 

"അറിവാൻ " ട്രെയിലർ പുറത്തിറങ്ങി .

അനന്ത് നാഗ്,ജനനി,റോഷ്നി എന്നിവരെ പ്രധാന കഥാപാത്രങ്ങളാക്കി അരുൺപ്രസാദ് തിരക്കഥയെഴുതി സംവിധാനം ചെയ്യുന്ന "അറിവാൻ" എന്ന തമിഴ് ഇൻവെസ്റ്റിഗേഷൻ ത്രില്ലർ ചിത്രത്തിൻ്റെ ഒഫീഷ്യൽ ട്രെയിലർ റിലീസായി.

https://youtu.be/P8BRog62XNA

നവംബർ ഏഴിന് എ സി എം സിനിമാസ്, പവിത്ര ഫിലിംസ് പ്രദർശനത്തിനെത്തിക്കുന്ന ഈ ചിത്രത്തിൽ ബോയ്സ് രാജൻ, ബിർള ബോസ്, ഗൗരി ശങ്കർ,ശരത് തുടങ്ങി പ്രമുഖരും അഭിനയിക്കുന്നു. എംഡി ഫിലിംസിൻ്റെ ബാനറിൽ ദുവാരി മഹാദേവൻ നിർമ്മിക്കുന്ന ഈ ചിത്രത്തിൻ്റെ ഛായാഗ്രഹണം- യശ്വന്ത് ബാലാജി നിർവ്വഹിക്കുന്നു.കോ പ്രൊഡ്യൂസർ-കൃഷ്ണ പ്രസാദ്,എഡിറ്റർ-സത്യ മൂർത്തി,സംഗീതം-ഇറ, സ്റ്റണ്ട്-മനോ.

ഏറ്റുമുട്ടൽ കൊലകൾക്ക് പേരുകേട്ട ഏറ്റവും സത്യസന്ധനും എന്നാൽ കോപാകുലനുമായ  സൂര്യയെന്ന പോലീസ് ഓഫീസർ ഒരു  വിവാദ കേസിന് ശേഷം നെയ്‌വേലി സ്റ്റേഷനിൽ ചാർജ്ജ് എടുക്കുന്നു.അദ്ദേഹം എത്തിയ ഉടൻ തന്നെ, വിനിഷ എന്ന സ്ത്രീ ഉൾപ്പെട്ട ഒരു കൊലപാതകം ഏവരേയും ഞെട്ടിപ്പിക്കുന്നു. സൂര്യ ഈ കേസ് അന്വേഷിക്കാൻശ്രമിക്കുമ്പോൾ സ്നേഹവും നീതിയും സംരക്ഷിക്കാൻ സത്യത്തിനും വഞ്ചനയ്ക്കും ഇടയിൽ സഞ്ചരിക്കേണ്ടി വരുന്നു. തുടർന്നുണ്ടാകുന്ന സംഭവബ ഹുലമായ മുഹൂർത്തങ്ങളാണ് അറിവാൻ എന്ന ചിത്രത്തിൽ അരുൺ പ്രസാദ് ദൃശ്യവത്കരിക്കുന്നത്.

പി ആർ ഒ :എ എസ് ദിനേശ്,ഐശ്വര്യ രാജ്.