പ്രിയപ്പെട്ട ശ്രീനിയേട്ടന് വിട : ഭൗതികശരീരം കണ്ടനാട്ടെ വസതിയിലെത്തിക്കും. സംസ്കാരം നാളെ .

പ്രിയപ്പെട്ട ശ്രീനിയേട്ടന്  വിട : ഭൗതികശരീരം കണ്ടനാട്ടെ വസതിയിലെത്തിക്കും. സംസ്കാരം നാളെ .

അന്തരിച്ച നടൻ ശ്രീനിവാസന്റെ പൊതുദർശനം എറണാകുളം ടൗൺഹാളിൽ അവസാനിച്ചു.  ശ്രീനിവാസനെ അവസാന മായി ഒരുനോക്കുകാണാൻ മോഹൻലാലും മമ്മൂട്ടിയുമടക്കം സിനിമാ മേഖലയിലെ പ്രമുഖർ എത്തിയിരുന്നു. കണ്ടനാട്ടെ വസതിയിലേക്കാണ് ശ്രീനിവാസന്റെ ഭൗതികശരീരം തിരികെ കൊണ്ടുപോകുന്നത്. 

സംസ്‌കാരം നാളെ രാവിലെ പത്തുമണിക്ക് ഔദ്യോഗിക ബഹുമതികളോടെയായിരിക്കും നടക്കുക. 

സിനിമാരംഗത്തെയും പൊതുരംഗത്തെയും പ്രമുഖരടക്കം ഒട്ടനവധിയാളുകളാണ് ശ്രീനിവാസന്റെ വിയോഗത്തിൽ അനുശോചനം രേഖപ്പെടുത്തിയിരിക്കുന്നത്.

മുഖ്യമന്ത്രി പിണറായി വിജയൻ , മന്ത്രിമാരായ സജി ചെറിയാൻ , വീണാ ജോർജ്ജ് , നടൻ കമൽഹാസൻ , നടി ശ്വേത മേനോൻ, സംവിധായകൻ സത്യൻ അന്തിക്കാട് , നിർമ്മാതാവ് കെ.ടി. കുഞ്ഞുമോൻ , ഹൈബി ഈഡൻ എം.പി തുടങ്ങിയവർ അനുശോചനം രേഖപ്പെടുത്തി .