ബ്ലോക്ക്ബസ്റ്റർ കന്നഡ ഹൊറർ- കോമഡി ചിത്രം 'സു ഫ്രം സോ' മലയാളം പതിപ്പ് ഓഗസ്റ്റ് ഒന്നിന് റിലിസ് ചെയ്യും. കേരളത്തിലെത്തിക്കുന്നത് ദുൽഖർ സൽമാൻ്റെ വേഫെറർ ഫിലിംസ്

 

ബ്ലോക്ക്ബസ്റ്റർ കന്നഡ ഹൊറർ- കോമഡി ചിത്രം 'സു ഫ്രം സോ' മലയാളം പതിപ്പ് ഓഗസ്റ്റ്  1 റിലീസ്; ചിത്രം കേരളത്തിലെത്തിക്കുന്നത് ദുൽഖർ സൽമാൻ്റെ വേഫെറർ ഫിലിംസ്

പ്രശസ്ത കന്നഡ നടനും സംവിധായകനു മായ രാജ് ബി ഷെട്ടിയുടെ ലൈറ്റർ ബുദ്ധ ഫിലിംസ് നിർമ്മിച്ച ബ്ലോക്ക്ബസ്റ്റർ കന്നഡ ചിത്രം "സു ഫ്രം സോ" മലയാളം പതിപ്പ് കേരളത്തിലേക്ക്. ദുൽഖർ സൽമാന്റെ വേഫെറർ ഫിലിംസ് കേരളത്തിലെത്തിക്കുന്ന ചിത്രം ഓഗസ്റ്റ് ഒന്നിന് റിലീസ് ചെയ്യും. ഹൊറർ- കോമഡി ചിത്രമായി ഒരുക്കിയിരിക്കുന്ന ചിത്രം രചിച്ചു സംവിധാനം ചെയ്തിരിക്കുന്നത് ജെ പി തുമിനാട് ആണ്. തുളു നാടക- സിനിമാ വേദികളിലൂടെ ശ്രദ്ധ നേടിയ ജെ പി തുമിനാട്, 'സപ്‌ത  സാഗരദാച്ചേ എല്ലോ സൈഡ് ബി' എന്ന ചിത്രത്തിലൂടെ അഭിനേതാവായും ശ്രദ്ധ നേടിയിരുന്നു. 

ആദ്യാവസാനം പ്രേക്ഷകരെ ചിരിപ്പിക്കുന്ന ഒരു കംപ്ലീറ്റ് എന്റർടൈൻമെന്റ് പാക്കേജ് ആയാണ് ഈ ചിത്രം ഒരുക്കിയിരിക്കുന്നത് എന്നാണ് കന്നഡയിൽ നിന്നുള്ള പ്രേക്ഷക- നിരൂപക പ്രതികരണം സൂചിപ്പിക്കുന്നത്. ചിരിക്കും ഹൊറർ ഘടകങ്ങൾക്കുമൊപ്പം വളരെ പ്രസക്തമായ ഒരു പ്രമേയവും ചിത്രം ചർച്ച ചെയ്യുന്നുണ്ട് എന്നും നിരൂപണങ്ങൾ പറയുന്നു. സംവിധായകൻ ജെ പി തന്നെ നായകനായ ചിത്രത്തിൽ ശനീൽ ഗൗതം, ദീപക് രാജ് പണാജെ, പ്രകാശ് തുമിനാട്, മൈം രാമദാസ്, സന്ധ്യ അരേകേരേ എന്നിവരും നിർണ്ണായക വേഷങ്ങൾ ചെയ്തിരിക്കുന്നു. ഒരു ഗ്രാമത്തിൽ നടക്കുന്ന കഥയാണ് ചിത്രം പറയുന്നത്.

ചന്ദ്രശേഖർ കാമറ ചലിപ്പിച്ച ചിത്രത്തിന് സംഗീതം ഒരുക്കിയത് നവാഗതനായ സുമേദ് ആണ്. രാജ് ബി ഷെട്ടിക്കൊപ്പം ശശിധർ ഷെട്ടി ബറോഡ, രവി റായ് കൈലാസ എന്നിവർ ചേർന്നാണ് ചിത്രം നിർമ്മിച്ചിരി ക്കുന്നത്. എഡിറ്റിംഗ്- നിതിൻ ഷെട്ടി, മേക്കപ്പ്- റോണക്സ് സേവ്യർ, പശ്ചാത്തല സംഗീതം- സന്ദീപ് തുളസിദാസ്‌, പ്രൊഡക്ഷൻ ഡിസൈൻ- സുഷമ നായക്, എക്സികുട്ടീവ് പ്രൊഡ്യൂസർ - ബാലു കുംത, അര്പിത് അഡ്യാർ, സംഘട്ടനം- അർജുൻ രാജ്, സൗണ്ട് ഡിസൈൻ- സിങ്ക് സിനിമ , കളറിസ്റ്റ്- രമേശ് സി പി, കളർ പ്ലാനെറ്റ് സ്റ്റുഡിയോസ്.