പ്രിയങ്ക നായരുടെ " ആ മുഖം " ഫസ്റ്റ് ലുക്ക് പോസ്റ്റർ ശ്രദ്ധേയമാവുന്നു.

പ്രിയങ്ക നായരെ ഏക കേന്ദ്ര കഥാപാത്രമാക്കി

അഭിലാഷ് പുരുഷോത്തമൻ തിരക്കഥയെഴുതി സംവിധാനം ചെയ്യുന്ന " ആ മുഖം " എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ റിലീസായി.

ഇന്ത്യൻ സിനിമാ ചരിത്രത്തിൽ വെറും രണ്ടാം തവണ മാത്രമാണ് ഒരു സ്ത്രീ കഥാപാത്രം മാത്രമുള്ള സിനിമ പ്രേക്ഷകരുടെ മുന്നിലെത്താൻ പോകുന്നത്.നബീഹാ മൂവി പ്രൊഡക്ഷൻസിന്റെ ബാനറിൽ നടൻ രുദ്ര (നുഫൈസ് റഹ്മാൻ) നിർമ്മിക്കുന്ന " ആ മുഖം " എന്ന ഈ ചിത്രം തമിഴിൽ "ആഴം" എന്ന പേരിലായിരിക്കും റിലീസ് ചെയ്യുന്നത്.

ഒരു പ്രത്യേക സാഹചര്യത്തിൽ ഉറ്റവരൊന്നും ഇല്ലാതെ ഒറ്റപ്പെട്ടു പോയ മീരയുടെ  ജീവിതത്തിൽ ഉണ്ടാകുന്ന  സംഭവബഹുലവും വൈകാരികവുമായ മുഹൂർത്തങ്ങളാണ് ഒറ്റ  കഥാപാത്രമുള്ള'ആ മുഖം ' എന്ന ചിത്രത്തിൽ 

ദൃശ്യവത്കരിക്കുന്നത്.

പ്രതാപ് പി നായർ ഛായാഗ്രാഹണം നിർവഹിക്കുന്നു. ശ്യാം കെ വാര്യരുരുടെ വരികൾക്ക് കൈതപ്രം ദീപാങ്കുരൻ സംഗീതം പകരുന്നു. 

സിത്താര കൃഷ്ണകുമാർ, ദീപാങ്കുരൻ എന്നിവരാണ് ഗാനങ്ങൾ ആലപിക്കുന്നത്.

പശ്ചാത്തല സംഗീതം-ദീപാങ്കുരൻ,എഡിറ്റർ-സോബിൻ കെ സോമൻ.പ്രൊഡക്ഷൻ എക്സിക്യൂട്ടീവ്-ഷാജി തിരുമല,കല-ഷിബു 

മച്ചേൽ,മേക്കപ്പ്-സുമ ജി, വസ്ത്രാലങ്കാരം- അനു നോബി,സൗണ്ട് എഫക്ട്-രാജ് മാർത്താണ്ഡം, അസ്സോസിയേറ്റ് ഡയറക്ടർ-ജിജേഷ് ഭാസ്കർ,ചീഫ് അസ്സോസിയേറ്റ് ഡയറക്ടർ-ശ്യാം പ്രേം, നൃത്തം_രാജേശ്വരി സുബ്രമണ്യം,ഐശ്വര്യ, ഡിസൈൻസ്-സുജിത് കടയ്ക്കൽ,സൗണ്ട് ഡിസൈൻ-ടി കൃഷ്ണനുണ്ണി'സ്റ്റിൽസ്- സേതു അത്തിപ്പിള്ളിൽ

 പി .ആർ .ഒ: എ എസ് ദിനേശ്.