" കരുവ് " പുതിയ പോസ്റ്റർ പുറത്തിറങ്ങി.

ഇരുട്ടിന്റെ രാജാവിന്റെ കഥ എല്ലാവര്‍ക്കും പരിചിതമായത് മോഹൻലാലിന്റെ ഒടിയൻ എന്ന സിനിമയിലൂടെയാണ്. ഇപ്പോഴിതാ ഇരുട്ടിന്റെ രാജാവായ ഒടിയന്റെ കഥയുമായി കരുവ് എന്ന സിനിമയും എത്തുന്നു. സിനിമയുടെ പോസ്റ്ററുകൾ  നേരത്തെ പുറത്തുവിട്ടിരുന്നു. ഇപ്പോഴിതാ സിനിമയുടെ പുതിയ പോസ്റ്റര്‍ ആണ് അണിയറ പ്രവർത്തകർ പുറത്തുവിട്ടിരിക്കുന്നത്.

പുതുമുഖങ്ങളായ വിശാഖ് വിശ്വനാഥൻ,സ്വാതി ഷാജി എന്നിവരെ  പ്രധാന കഥാപാത്രങ്ങളാക്കി നവാഗതയായ ശ്രീഷ്മ ആർ മേനോനാണ് ചിത്രത്തിൻ്റെ തിരക്കഥയെഴുതി സംവിധാനം ചെയ്യുന്നത്. ഷോബി തിലകൻ, കണ്ണൻ പട്ടാമ്പി,റിയാസ് എം ടി,സുമേഷ് സുരേന്ദ്രൻ,കണ്ണൻ പെരുമടിയൂർ,വിനു മാത്യു പോൾ,സ്വപ്ന നായർ,ശ്രീഷ്ണ സുരേഷ്, സുചിത്ര മേനോൻ തുടങ്ങിയവരാണ് മറ്റു താരങ്ങൾ.

ആല്‍ഫാ ഓഷ്യന്‍ എന്‍ടര്‍ടെയിന്‍മെന്‍റ്സിന്‍റെ ബാനറില്‍ സുധീർ ഇബ്രാഹിം  നിര്‍മ്മിക്കുന്ന ഈ ചിത്രത്തിന്റെ ഛായാഗ്രഹണം ടോണി ജോര്‍ജ്ജ്നിര്‍വ്വഹിക്കുന്നു.

സംഗീതം-റോഷന്‍ ജോസഫ്,എഡിറ്റര്‍- ഹരി മോഹന്‍ദാസ്, എക്സിക്യൂട്ടീവ് പ്രൊഡ്യൂസർ- കൗടില്യ പ്രൊഡക്ഷൻസ്, പ്രോജക്ട് ഡിസൈനർ- റിയാസ് എം.ടി & സായ് വെങ്കിടേഷ്, പ്രൊഡക്ഷൻ കൺട്രോളർ- വിനോദ് പറവൂർ, കലാ സംവിധാനം- ശ്രീജിത്ത്‌ ശ്രീധർ, മേക്കപ്പ്- അനൂപ് സാബു, ആക്ഷൻ-അഷറഫ് ഗുരുക്കൾ,കോസ്റ്റ്യൂം- ലാവണ്യ, ചീഫ് അസോസിയേറ്റ് ഡയറകടര്‍- സുകൃത്ത്, സെക്കന്റ് ക്യാമറ- ശരൺ പെരുമ്പാവൂർ, സ്റ്റിൽസ്- വിഷ്ണു രഘു, ഡിസൈൻ- സൈൻ മാർട്ട്. ഇരുട്ടിന്റെ രാജാവ് എന്നറിയപ്പെടുന്ന ഒടിയന്റെ കഥ വീണ്ടും മലയാളത്തിൽ അവതരിപ്പിക്കുന്ന "കരുവ് " ആഗസ്റ്റ് മാസത്തോടെ പ്രദർശനത്തിനെത്തും. 

വാര്‍ത്ത പ്രചരണം: പി.ശിവപ്രസാദ്.