Love + Action + Drama = 100 % ഫാമിലി എന്റെർടെയ്നർ.

മെറിലാൻഡ്  തറവാട്ടിലെ        ഇളയമുറക്കാരൻ  വിശാഖ് സുബ്രഹ്മണ്യം ,  നിവിൻ പോളി , നയൻതാര എന്നിവരെ പ്രധാന കഥാപാത്രങ്ങളാക്കി നിർമ്മിക്കുന്ന ചിത്രമാണ്   " ലൗ ആക്ഷൻ ഡ്രാമ "  .ഫൺടാസ്റ്റിക് ഫിലിംസിന്റെ ബാനറിൽ നിർമ്മിക്കുന്ന ഈ ചിത്രത്തിൽ വിശാഖ്  സുബ്രഹ്മണ്യത്തോടൊപ്പം നടൻ അജു വർഗ്ഗിസും നിർമ്മാതാവാണ് .

1979-ൽ ആണ് മെറി ലാൻഡ് അവസാനം സിനിമ നിർമ്മിച്ചത്. മലയാള സിനിമ ചരിത്രത്തിലെ മനോഹര സിനിമകളാണ്  മെറിലാൻഡിൽ നിന്നും പുറത്ത് വന്നിട്ടുള്ളത് എന്നത് പ്രേക്ഷക സമൂഹത്തിന് അറിയാം. അത് കൊണ്ട് തന്നെ മുത്തച്ഛന്റെ പൈതൃകം പിന്തുടരുകയാണ് വിശാഖ് സുബ്രഹ്മണ്യവും.

ലൗവും , അക്ഷനും, ഡ്രാമയും ചേർന്ന സിനിമയാണിത്. നടൻ ധ്യാൻ ശ്രീനിവാസൻ ആദ്യമായി തിരക്കഥയെഴുതി സംവിധാനം ചെയ്യുന്ന സിനിമ കൂടിയാണിത്. വടക്കുനോക്കിയന്ത്രത്തിലെ കഥാപാത്രങ്ങളായ തളത്തിൽ ദിനേശനെയും, ശോഭയെയും തന്റെ ചിത്രത്തിൽ പുതിയ രൂപത്തിലാണ് അവതരിപ്പിച്ചിരിക്കുന്നത്.  വടക്കുനോക്കിയന്ത്രത്തിന്റെ രണ്ടാം ഭാഗമല്ല ഈ സിനിമ.

ചെന്നൈയിൽ നിന്നും കേരളത്തിലേക്ക് ഒരു വിവാഹത്തിൽ പങ്കെടുക്കാനെത്തുന്നതാണ് ശോഭ .ശോഭയ്ക്ക് 28 വയസ്സും , ദിനേശിന് മുപ്പതും വയസുണ്ട്. പ്രണയിക്കുന്നതിന് കാലവും, പ്രായവും തടസമല്ലെന്ന് പറയാതെ പറയുകയാണ് "  ലൗ ആക്ഷൻ ഡ്രാമ " .

സ്വന്തം നാട് ഉപേക്ഷിച്ച് ദുബായിലേക്ക് പോകാൻ ദിനേശിന് താൽപര്യം ഉണ്ടായിരുന്നില്ല.എന്നാൽ ഗൾഫിൽ പോകുകയും കഷ്ടപ്പെട്ട് ജോലി ചെയ്ത് ഉണ്ടാക്കിയ രൂപയുമായി ദിനേശൻ നാട്ടിലേക്ക് മടങ്ങി.  ശോഭ ചെന്നൈയിൽ സ്റ്റാർട്ട് അപ്പ് കമ്പനി നടത്തുന്നുണ്ട്. ശോഭയുടെയും , ദിനേശന്റെ ജീവിതത്തിൽ ഉണ്ടാകുന്ന പ്രണയവും ,ആക്ഷനും , ഡ്രാമയുമാണ് ഈ സിനിമയുടെ പ്രമേയം. 

ശ്രീനിവാസൻ , വിനീത് ശ്രീനിവാസൻ , അജു വർഗ്ഗീസ് , രഞ്ജി പണിക്കർ ,ബിജു സോപാനം , ബേസിൽ ജോസഫ് ,  മല്ലിക സുകുമാരൻ ,ജൂഡ് ആൻറണി , ദുർഗ്ഗ കൃഷ്ണ , ധന്യാ ബാലകൃഷ്ണൻ , തമിഴ് നടൻമാരായ സുന്ദർരാമു , പ്രജിൻ  ,മൊട്ട രാജേേന്ദ്രൻ    എന്നിവരും ഈ സിനിമയിൽ അഭിനയിക്കുന്നു. ചെറിയ സീനിൽ ധ്യാൻ ശ്രീനിവാസനും അഭിനയിക്കുന്നു .

സംഗീതം ഷാൻ റഹ്മാനും, ഗാനരചന മനു മഞ്ജിത്തും ,ഹരിനാരാായണനും   ,വിനീത് ശ്രീനിവാസനും  , ഛായാഗ്രഹണം ജോമോൻ ടി. ജോണും   , റോബി വർഗ്ഗീസ് രാജും ,എഡിറ്റിംഗ്  വിവേക് ഹർഷനും , കലാസംവിധാനം അജയ് മങ്ങാടും  ,ആക്ഷൻ സ്റ്റണ്ട് ശിവയും , സുപ്രീം സുന്ദറും നിർവ്വഹിക്കുന്നു. മനോജ് പൂങ്കുന്നം പ്രൊഡക്ഷൻ കൺട്രോളറാണ്. ഫൻടാസ്റ്റിക്ക് റിലീസ് ത്രൂ മെരിലാന്റാണ് ചിത്രം തീയേറ്ററുകളിൽ എത്തിച്ചിരിക്കുന്നത്. മോഹൻലാൽ, മമ്മൂട്ടി എന്നിവരുടെ  ചില സിനിമകളിലെ സീനുകളും ഉൾപ്പെടുത്തിിയിട്ടുണ്ട് .

രസകരമായ മുഹൂർത്തങ്ങളിലുടെയാണ് ഈ സിനിമ അവതരിപ്പിച്ചിരിക്കുന്നത്. വ്യത്യസ്തമായ സംസ്കാരവും , പശ്ചാത്തലവും പ്രണയത്തിന് തടസമാകുന്നില്ല. ഈ വ്യത്യസ്ത കളാണ് സിനിമയെ മുന്നോട്ട് നയിക്കുന്നത്. ഈ പ്രണയത്തിന് നിരവധി ടേണിംഗ് പോയിന്റുകളുമുണ്ട്.

നയൻതാരക്കൊപ്പം നിറഞ്ഞു നിൽക്കുന്നത്  ധന്യാ ബാലകൃഷ്ണനാണ്. തമിഴ് നടൻ ധനുഷിന്റെ ചിത്രങ്ങളായ ത്രീ, മയക്കം എന്നാ എന്നിവയിൽ പ്രധാന വേഷങ്ങളിൽ എത്തിയ സുന്ദർരാമു ഈ ചിത്രത്തിൽ മികച്ച അഭിനയം കാഴ്ചവച്ചിരിക്കുന്നു. നിവിൻ പോളി കോമഡി അവതരിപ്പിക്കാനും തയ്യാറായിരിക്കുന്നു.

ഇതുവരെ മമ്മുട്ടി, മോഹൻലാൽ ,ദിലീപ് തുടങ്ങിയ മുൻനിര നായകന്മാർക്കൊപ്പമായിരുന്നു നയൻതാര അഭിനയിച്ചിരുന്നത്. ഒരു യുവനടന്റെ നായികയായി മലയാളത്തിൽ അഭിനയിക്കുന്നത് ആദ്യമായാണ് നയൻതാര .

നയൻതാരയുടെ ശോഭ എന്ന കഥാപാത്രമാണ്  സിനിമയുടെ ഹൈലൈറ്റ്. പ്രണയവും, കോമഡിയും എല്ലാം ചേർന്ന കുടുംബ ചിത്രം. സംവിധായകൻ എന്ന നിലയിൽ ധ്യാൻ ശ്രീനിവാസന്റെ തുടക്കം ഗംഭീരമായി. ശ്രീനിവാസൻ, മക്കൾ വിനീത് ശ്രീനിവാസൻ ,ധ്യാൻ ശ്രീനിവാസൻ എന്നിവർ അഭിനയിക്കുന്ന സിനിമ എന്ന പ്രത്യേകതയും ഈ സിനിമയ്ക്ക് ഉണ്ട്. 

എല്ലാത്തരം പ്രേക്ഷകർക്കും ഇഷ്ടപ്പെടുന്ന സിനിമയായിരിക്കും " ലൗ ആക്ഷ്ൻ  ഡ്രാമ " .

Rating : 3 / 5 .

സലിം പി. ചാക്കോ .