എം.ജി സോമൻ ലൈഫ് ടൈം അച്ചീവ്മെന്റ് അവാർഡ് കമൽഹാസന് മന്ത്രി വി.എൻ വാസവൻ വിതരണം ചെയ്തു .

എം.ജി സോമൻ ലൈഫ് ടൈം അച്ചീവ്മെന്റ് അവാർഡ് നടൻ കമൽ ഹാസന് മന്ത്രി വി.എൻ വാസവൻ നൽകി. അഞ്ച് ലക്ഷം രൂപയും ശിൽപ്പവും പ്രശ്സ്തി പത്രവുമാണ് നൽകിയത്. എം.ജി സോമന്റെ 25-ാം ചരമവാർഷിക ത്തിൽ എം.ജി സോമൻ ഫൗണ്ടേഷൻ തിരുവല്ല വിജയ ഇന്റർനാഷണൽ കൺവൻഷൻ  സെന്ററിൽ നടന്ന സ്മൃതി സായാഹ്നം " ഓർമ്മകളിൽ സോമേട്ടൻ " എന്ന പരിപാടിയിലാണ് പുരസ്കാരം നൽകിയത്.

സുരേഷ് ഗോപി ,ജനാർദ്ദനൻ , വിജയരാഘവൻ ,വിധുബാല, സീമ, സന്തോഷ്, ഹരിഹരൻ , ജോഷി, പ്രിയദർശൻ , രൺജി പണിക്കർ, ഭദ്രൻ , ചെറിയാൻ കൽപകവാടി, കവിയൂർ ശിവപ്രസാദ് , സംവിധായകൻ ബ്ലെസി, ബാബു തിരുവല്ല , പ്രൊഫ.പി.ജെ കുര്യൻ, ജില്ല കളക്ടർ ദിവ്യ എസ്.അയ്യർ ഐ.എ.എസ്,മുൻ മന്ത്രി സജി ചെറിയാൻ , സുജാത സോമൻ , സജി സോമൻ തുടങ്ങിയവർ ചടങ്ങിൽ പങ്കെടുത്തു.

എം.ജി സോമന്റെ ചിത്രങ്ങളിലെ ഗാനങ്ങൾ ഉൾപ്പെടുത്തി പിണണി ഗായകൻ സുദീപ്കുമാർ നയിച്ച ഗാനാർച്ചനയും നടന്നു.