ലൂയിസിൻ്റെ " ടീസർ " ഒക്ടോബർ പത്ത് തിങ്കൾ രാവിലെ പത്ത്:പത്തിന് റിലീസ് ചെയ്യും.


ഇന്ദ്രൻസ് ഡോ. ലൂയിസ് മാർട്ടിൻ എന്ന ടൈറ്റിൽ കഥാപാത്രമായി എത്തുന്ന " ലൂയിസ് " നവംബർ നാലിന്  തീയേറ്ററുകളിൽ എത്തും.

ഈ ചിത്രത്തിൻ്റെ  " ടീസർ " ഒക്ടോബർ പത്ത് തിങ്കൾ  രാവിലെ പത്ത്:പത്തിന് റിലീസ് ചെയ്യും. 

ഷാബു ഉസ്മാൻ കോന്നി കഥയെഴുതി സംവിധാനം ചെയ്യുന്ന ഈ ചിത്രം നിർമ്മിക്കുന്നത് കൊട്ടുപള്ളിൽ മൂവീസ് പ്രൊഡക്ഷൻ്റെ ബാനറിൽ റ്റിറ്റി എബ്രഹാം കൊട്ടുപള്ളിൽ ആണ്. മനു ഗോപാലാണ്  തിരക്കഥ ഒരുക്കുന്നത്. 

ഇന്ദ്രൻസ് തൻ്റെ അഭിനയ ജീവിതത്തിലെ തീർത്തും വ്യത്യസ്ത കഥാപാത്രമായി എത്തുന്നു എന്നതാണ് ലൂയിസിൻ്റെ പ്രത്യേകത.

കുട്ടികളെ ഇഷ്ടപ്പെടുന്ന, കുട്ടികളോടൊപ്പം കുടുതൽ സമയം ചിലവഴിക്കാൻ സമയം കണ്ടെത്തുന്ന ഡോ.ലൂയിസിനെ
ഇഷ്ടപ്പെടാത്തവരായി ആരും ഉണ്ടായിരുന്നില്ല. ഡോ. ലൂയിസായി ഇന്ദ്രൻസ് നന്നായി തിളങ്ങി.പുതിയകാലഘട്ടത്തിലെ ഓൺലൈൻ പഠനത്തിൻ്റെ ദുഷ്യവശങ്ങളെവരച്ചുകാണിക്കുന്ന ചിത്രമാണ് ലൂയിസ് എന്ന് സംവിധായകൻ ഷാബു ഉസ്മാൻ കോന്നി പറഞ്ഞു. 

ഇന്ദ്രൻസിനെ കൂടാതെ സായ്‌കുമാർ, ജോയ് മാത്യൂ, മനോജ് കെ ജയൻ, അശോകൻ, അജിത്ത് കൂത്താട്ടുകുളം, അസിസ് , രോഹിത്, അൽസാബിദ്, ആദിനാട് ശശി, ആസ്റ്റിൻ, കലാഭവൻ നവാസ്‌, ശശാങ്കൻ ,രാജേഷ് പറവൂർ ,ബിട്ടു തോമസ്, സിയാദ് അബ്ദുള്ള,  ലെന, ദിവ്യാ പിള്ള, സ്മിനു സിജോ, മീനാക്ഷി, ടെസ്സ തുടങ്ങിയ മലയാള സിനിമയിൽ പ്രമുഖ താര നിരകൾ ഈ ചിത്രത്തിൽ ഭാഗമാകുന്നു .

ക്യാമറ -ആനന്ദ് കൃഷ്ണ, അസോസിയേറ്റ് ഡയറക്ടർ -ഷിബു ഗംഗാധരൻ, സംഗീതം -ജാസി ഗിഫ്റ്റ്, രാജീവ് ശിവ , ഗാനരചന -മനു മൻജിത്ത്, ഷാബു ഉസ്മാൻ കോന്നി, ആലാപനം -നിത്യ മാമ്മൻ, ശ്രേയ, ജാസി ഗിഫ്റ്റ്, എഡിറ്റർ - നൗഫൽ അബ്ദുള്ള, പശ്ചാത്തല സംഗീതം  റോണി റാഫേൽ , ആർട്ട് -സജി മുണ്ടയാട്, മേക്കപ്പ് -  പട്ടണം ഷാ, വസ്ത്രാലങ്കാരം -രവി കുമാരപുരം, ത്രിൽസ് - ജാക്കി ജോൺസൻ, പ്രൊഡക്ഷൻ കൺട്രോളർ-ഹസ്മീർ നേമം, കോറിയോഗ്രാഫി - ജയ്, സ്റ്റിൽ -സജി തിരുവല്ല ,ഡിസൈൻ - എസ്.കെ.ഡി കണ്ണൻ, എന്നിവരാണ് മറ്റു അണിയറ പ്രവർത്തകർ.

സലിം പി. ചാക്കോ .
 
 
 

No comments:

Powered by Blogger.