അപർണ്ണ ബാലമുരളിയുടെ അഭിനയ മികവിൽ " ഇനി ഉത്തരം " .
Rating : 3.5 / 5.
സലിം പി. ചാക്കോ.
cpK desK.
സുധീഷ് രാമചന്ദ്രൻ സംവിധാനം ചെയ്ത "ഇനി ഉത്തരം" തീയേറ്ററുകളിൽ എത്തി.
നായികാ കേന്ദ്രീകൃതമായ ത്രില്ലറുകൾ വിവിധ ഭാഷകളിൽ ഇറങ്ങുമ്പോൾ ഇതുപോലൊന്ന് മലയാളത്തിൽ ഇറങ്ങണമെന്ന് ഞാനുൾപ്പടെയുള്ള ഒരു വിഭാഗം പ്രേക്ഷകർ ആഗ്രഹിച്ചിരുന്നു. അതിനുള്ള ഉത്തരമാണ് " ഇനി ഉത്തരം " .
ഇടുക്കി ജില്ലയിലെ ശാന്തൻപാറ പോലീസ് സ്റ്റേഷനിലേക്ക് കൊലപാതകക്കുറ്റം
ഏറ്റുപറയാൻ ഒരു പെൺകുട്ടി എത്തുന്നതോടെയാണ് ചിത്രത്തിൻ്റെ പ്രധാന തുടക്കം.
ആരാണ് ആ പെൺകുട്ടി? എന്താണ്കൊലപാതകത്തിന്റെ പിന്നിലെ ഉദ്ദേശം? പക്ഷേ പിന്നീട് ഓരോഘട്ടത്തിലും ഉയർന്നുവരുന്ന ചോദ്യങ്ങളുടെ തീവ്രത കൂടി വരുന്നു ?
കഥാപാത്രങ്ങളെ ഓരോരുത്തരേയായി പരിചയപ്പെടുത്തിക്കൊണ്ടാണ് സിനിമ തുടങ്ങുന്നത്. കഥാപശ്ചാത്തലംമനസിലാക്കാൻചെറിയസംഭാഷണങ്ങളിലൂടെയുള്ള ഈ രീതി മികച്ചതാണ്.
ത്രില്ലറുകളുടെ സംവിധായകൻ ജീത്തു ജോസഫിൻ്റെ അസോസിയേറ്റായിപ്രവർത്തിച്ചഅനുഭവസമ്പത്തുമായാണ് സുധീഷ് രാമചന്ദ്രൻ ഈ ചിത്രം സംവിധാനംചെയ്തിരിക്കുന്നത്.
നായികാ പ്രധാന്യമുള്ള ഈ കഥയിൽമറ്റുകഥാപാത്രങ്ങൾക്കും തുല്യപ്രധാന്യം നൽകിയിരിക്കുന്നുവെന്നത് ചെറിയകാര്യമില്ല. അതുപോലെ വന്നുപോകുന്നകഥാപാത്രങ്ങൾക്കും കൃത്യമായ ഇടം സിനിമയിൽ ഉണ്ട്.
ഏ.ആന്റ്.വി
എന്റർടെയ്ൻമെന്റിന്റെ ബാനറിൽ വരുൺ, അരുൺ എന്നിവർ ചേർന്നാണ് ഈ ചിത്രം നിർമ്മിച്ചിരിക്കുന്നത്.
രവിചന്ദ്രൻ ഛായാഗ്രഹണവും , രഞ്ജിത് ഉണ്ണി തിരക്കഥയും സംഭാഷണവും, വിനായക് ശശികുമാർ ഗാനരചനയും ,
ഹിഷാം അബ്ദുൽ വഹാബ് സംഗീതവും, ജിതിൻ ഡി. എഡിറ്റിംഗും,അരുൺ മോഹനൻ കലാസംവിധാനവും ,
ജിതേഷ് പൊയ്യ മേക്കപ്പും ,ധന്യ ബാലകൃഷ്ണൻവസ്ത്രാലങ്കാരവും നിർവ്വഹിക്കുന്നു.
ചീഫ്അസോസിയേറ്റ്ഡയറക്ടർ ദീപക്നാരായണനാണ്.
ഹരീഷ് ഉത്തമൻ, ചന്തുനാഥ്, സിദ്ധാർത്ഥ് മേനോൻ, സിദ്ദിഖ്, ജാഫർ ഇടുക്കി, ഷാജു ശ്രീധർ, ജയൻ ചേർത്തല, ബിനീഷ് പി. ഭാഗ്യരാജ് , മാലാ പാർവ്വതി തുടങ്ങിയവരാണ് ചിത്രത്തിലെ മറ്റ് താരങ്ങൾ .
അപർണ ബാലമുരളി അവതരിപ്പിക്കുന്ന ഡോ. ജാനകി ഗണേശാണ് സിനിമയുടെ ഹൈലൈറ്റ്. ജാനകിയുടെ പ്രണയവും
നിസ്സഹായാവസ്ഥയും
നിഗൂഢതകളുമെല്ലാം മനോഹരമായി അവതരിപ്പിച്ച് അപർണ്ണ ബാലമുരളി പ്രേക്ഷക ശ്രദ്ധനേടി.
കലാഭവൻ ഷാജോൺ അവതരിപ്പിച്ച സി.ഐ. കരുണനും , ഹരീഷ് ഉത്തമൻ്റെ എസ്.പി ഇളവരസും ശ്രദ്ധേയം.പരുക്കനും അതേസമയംസൂത്രശാലിയുമായ എസ്.പിയെ ഹരീഷ് ഉത്തമൻ ഗംഭീരമാക്കി.
എല്ലാത്തരം പ്രേക്ഷകർക്കും കാണാൻ കൊള്ളാവുന്ന ഒരു കൊച്ചു സിനിമയാണ് " ഇനി ഉത്തരം " .ഡോ. ജാനകി രമേശ് ഇന്നിൻ്റെ പ്രതീകമാണ്.
No comments: