" 2BKH "വീഡിയോ ഗാനം പുറത്തിറങ്ങി..

പുതുമുഖങ്ങളെ അണിനിരത്തി സുദീപ് ഇ.എസ്‌ സംവിധാനം ചെയ്യുന്ന  "2BHK" എന്ന ചിത്രത്തിന്റെ പുതിയ വീഡിയോ ഗാനം റിലീസായി.

മനോജ് മേനോൻ എഴുതിയ വരികൾക്ക് സി വി കൃഷ്ണകുമാർ സംഗീതം പകർന്ന് മധു ബാലകൃഷ്ണൻ ആലപിച്ച " മഴ പെയ്തു തോർന്നൊരു...."എന്നാരംഭിക്കുന്ന ഗാനമാണ് റിലീസായത്.

കുടുംബ ബന്ധങ്ങളുടെ വൈകാരികമായ വശങ്ങളെ അനാവരണം ചെയ്യുന്നു. മലയാളത്തിന്റെ മഹാനടൻ മധുവിന്റെഅനുഗ്രഹാശിസ്സുകളോടെ ആരംഭിച്ച ചിത്രത്തിന്റെ ചിത്രീകരണം  പാലക്കാട് കോങ്ങാടുംപരിസരങ്ങളിലുമായി പൂർത്തിയായി. 

സ്ത്രീ സ്വാതന്ത്ര്യത്തിന്റെ വേറിട്ട വ്യാഖ്യാനവുമായി എത്തുന്ന ഈ കുടുംബ ചിത്രത്തിൽ വൈഷ്ണവി കല്യാണി, ബിന്ദു കൃഷ്ണ,ശിഖമനോജ്,വിനിജ,ശേഖർ നാരായൺ,നവീൻ കുമാർ,കലാഭവൻസതീഷ്,അനൂപ് കൃഷ്ണ,റംഷാദ് മണ്ണാർക്കാട്,സുനിൽ സുന്ദർ,തുടങ്ങിയവർ അഭിനയിക്കുന്നു. 

ശേഖർ നാരായൺന്റെ കഥയ്ക്ക്ശേഖർ നാരായണും എം.എസ്. കൊളത്തൂരും ചേർന്ന് തിരക്കഥയും സംഭാഷണവും എഴുതുന്നു.

നീലാംബരി മൂവി ക്ലബ്ബിന്റെ ബാനറിൽ സിവികൃഷ്ണകുമാർ നിർമ്മിക്കുന്ന ഈ ചിത്രത്തിന്റെ ഛായാഗ്രഹണം അനിൽ കെ ചാമി നിർവ്വഹിക്കുന്നു.

വസ്ത്രാലങ്കാരം-മരിയ കുമ്പളങ്ങി,ചമയം- ഹക്കിം കബീർ, കല- പ്രമോദ് പള്ളിയിൽ, ചീഫ് അസോസിയേറ്റ് ഡയറക്ടർ-വിനോദ് എം രവി,പശ്ചാത്തല സംഗീതംകെപിബാലമുരളി,സ്റ്റിൽസ്- സുനിൽ പാലക്കാട് . മനോജ് മേനോൻ,എം എസ് കൊളത്തൂർ എന്നിവരുടെ വരികൾക്ക് സി വി കൃഷ്ണകുമാർ സംഗീതം പകരുന്നു.ഗായകർമധുബാലകൃഷ്ണൻ,ശ്രീരഞ്ജിനി,മണികണ്ഠൻപെരുമ്പടപ്പ്,ദേവദാസ്,പ്രശാന്ത്,എക്സിക്യുട്ടീവ്പ്രൊഡ്യൂസർ യദുകൃഷ്ണ.

പി ആർ ഒ : എ എസ് ദിനേശ്.

https://youtu.be/k0a5AhtlwDk