വൻ പ്രതീക്ഷകൾ നൽകി മരക്കാർ : അറബികടലിൻ്റെ സിംഹത്തിൻ്റെ ടീസർ പുറത്തിറങ്ങി.
വൻ പ്രതീക്ഷകൾ വീണ്ടും വർധിപ്പിച്ചു കൊണ്ട് " മരക്കാർ : അറബികടലിൻ്റെ സിംഹം " സിനിമയുടെ പുതിയ ടീസർ എത്തിയിരിക്കുകയാണ്.
ഇപ്പോൾ പുറത്തിറങ്ങിയ ഈ ടീസറും ഗംഭീര പ്രതികരണമാണ് നേടുന്നത്. മിനിറ്റുകൾ കൊണ്ട് വൈറൽ ആയി മാറിയിരിക്കുകയാണ്.
മോഹന്‍ലാലിനെ കേന്ദ്ര കഥാപാത്രമാക്കി പ്രിയദര്‍ശന്‍ സംവിധാനം ചെയ്യുന്ന ചിത്രമാണ് " മരയ്ക്കാര്‍ അറബിക്കടലിന്റെ സിംഹം ".
മലയാളത്തിന് പുറമെ ഹിന്ദി, തമിഴ് തെലുങ്ക്, കന്നട എന്നീ ഭാഷകളിലും ചിത്രം റിലീസ് ചെയ്തു.
സുപ്രധാന നായിക വേഷങ്ങളില്‍ മഞ്ജു വാര്യര്‍, കീര്‍ത്തി സുരേഷ്, കല്യാണി പ്രിയദര്‍ശന്‍ തുടങ്ങിയവരാണ് എത്തുന്നത്. സുനില്‍ ഷെട്ടി, പ്രഭു, ഫാസില്‍, സിദ്ദിഖ്, നെടുമുടി വേണു, ഇന്നസെന്റ്, അശോക് സെല്‍വന്‍ എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങള്‍.
സാമൂതിരി രാജവംശത്തിന്റെ നാവികമേധാവിയായിരുന്ന കുഞ്ഞാലി മരക്കാറുടെ കഥ പറയുന്ന ചിത്രമാണ് ''മരക്കാര്‍ അറബിക്കടലിന്റെ സിംഹം''.
ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ നിര്‍മ്മിക്കുന്ന ഈ എപ്പിക് ഹിസ്‌റ്റോറിക്കല്‍ വാര്‍ ചിത്രത്തിന്റെ തിരക്കഥ അനി ശശിയും പ്രിയദര്‍ശനും ചേര്‍ന്നെഴുതുന്നു.
കോ പ്രൊഡ്യുസർ-ഡോ: സിജെ റോയി, സന്തോഷ് ടി കുരുവിള, ഛായാഗ്രഹണം-തിരു, ഗാനരചന-ബികെ ഹരിനാരായണന്‍,ഷാഫി കൊല്ലം,പ്രിയദര്‍ശന്‍, സംഗീതം-റോണി റാഫേല്‍, കലാസംവിധാനം-സാബു സിറിള്‍,എഡിറ്റിംങ്- അയ്യപ്പന്‍ നായര്‍.തിയേറ്ററില്‍ എത്തുന്നതിനും മുന്‍പ് തന്നെ മൂന്നു ദേശീയ
പുരസ്‌കാരങ്ങളാണ് ഈ പ്രിയദര്‍ശന്‍ ചിത്രം നേടിയത്. മികച്ച ഫീച്ചര്‍ ഫിലിമിനുള്ള പുരസ്‌കാരത്തിന് പിറകെ, മികച്ച കോസ്റ്റ്യൂം
ഡിസൈനിനുള്ള അവാര്‍ഡ് സുജിത് സുധാകരന്‍, വി. സായ് എന്നിവര്‍ നേടി.
സിദ്ധാര്‍ഥ് പ്രിയദര്‍ശന്‍ മികച്ച സ്‌പെഷ്യല്‍ എഫക്ടിനുള്ള പുരസ്‌കാരത്തിനും അര്‍ഹനായി.ഡിസംബര്‍ രണ്ടിന് ചിത്രം തീയേറ്ററുകളില്‍ എത്തും.വാര്‍ത്ത പ്രചരണം:
എ. എസ് ദിനേശ്.
സലിം പി. ചാക്കോ .
CPK Desk .
No comments: