" രണ്ടു പേർ " സൈന പ്ലേ ഒടിടിയിൽ.

സൂരാജ് വെഞ്ഞാറമൂട്,

ശാന്തി ബാലചന്ദ്രൻ എന്നിവരെ പ്രധാന കഥാപാത്രങ്ങളാക്കി 

പ്രേം ശങ്കർ തിരക്കഥയെഴുതി സംവിധാനം ചെയ്യുന്ന " രണ്ടു പേർ " സൈന പ്ലെ ഒടിടി ഫ്ലാറ്റ് ഫോമിൽ റിലീസായി.

അലൻസിയാർ,ബിപിൻ,ബേസിൽ പൗലോസ്, സുനിൽ സുഖദ എന്നിവരാണ് മറ്റു താരങ്ങൾ.

പ്രയത്ന ഫിലിംസിന്റെ ബാനറിൽ അരുൺകുമാർ കെ എസ് നിർമ്മിക്കുന്ന ഈ ചിത്രത്തിന്റെ ഛായാഗ്രഹണം നരേന്ദ്രർ രാമനുജം നിർവ്വഹിക്കുന്നു.

എഡിറ്റർ-മനോജ് കണ്ണോത്ത്.

നീണ്ട അഞ്ചു വർഷത്തെ  ആത്മബന്ധത്തിൽ നിന്നും യാദൃച്ഛികമായി ഒരു രാത്രിയിൽ  വേർപിരിയുമ്പോൾ അത് അയാളെ  വല്ലാതെ അസ്വസ്ഥമാക്കുന്നു. ഇതിനെ മറികടക്കാൻ, മറഞ്ഞിരിക്കുന്ന ക്യാമറകൾ ഉപയോഗിച്ച് ആ രാത്രി രേഖപ്പെടുത്താൻ അദ്ദേഹം തീരുമാനിക്കുന്നു; ഒരു ചലച്ചിത്ര നിർമ്മാതാവാകാനുള്ള അദ്ദേഹത്തിന്റെ  പൂർത്തീകരിക്കാത്ത ദീർഘകാല സ്വപ്നത്തിന്റെ  വേരുകളുള്ള ഒരു പ്രവൃത്തി കൂടിയായി മാറുന്നു അത്.

എന്നാൽ ആ രാത്രിയിൽ  അപ്രതീക്ഷിതവുമായിട്ടുണ്ടാകുന്ന സംഭവബഹുലമായ മുഹൂർത്തങ്ങളാണ് "രണ്ടു പേർ " എന്ന ചിത്രത്തിൽ  പ്രേം ശങ്കർ ദൃശ്യവൽക്കരിക്കുന്നത്.

അൻവർ അലിയുടെ വരികൾക്ക് ഗോപി സുന്ദർ സംഗീതം പകരുന്നു.

എക്സിക്യൂട്ടീവ് പ്രൊഡ്യൂസർ-ശ്രീജിത്ത് ശ്രീധർ,ലൈൻ പ്രൊഡ്യൂസർ-ദേവവരദ കൽകുറ,

സൗണ്ട് ഡിസൈൻ-നിഥിൻ ലൂക്കോസ്,കല-സുകുമാർ,

സ്റ്റിൽസ്-അനീഷ് അലോഷ്യസ്,പരസ്യക്കല-ഓൾഡ് മോങ്ക്സ് '

വാർത്ത പ്രചരണം:

എ എസ് ദിനേശ്.