പഴയകാല നടി കെ.വി.ശാന്തി (81)യ്ക്ക് പ്രണാമം .
പഴയകാല നടി കെ. വി. ശാന്തി (81)അന്തരിച്ചു. തമിഴ്നാട് കോടമ്പാക്കത്ത് വച്ച് വാർദ്ധക്യസഹജമായ അസുഖത്തെ തുടര്ന്നായിരുന്നു മരണം.ഏറ്റുമാനൂര് സ്വദേശിനിയായ കെ.വി.ശാന്തി വര്ഷങ്ങളായി കോടമ്പാക്കത്താണ് താമസം.
1953ല് പുറത്തിറങ്ങിയ പൊന്കതിര് ആണ് ആദ്യ ചിത്രം. അള്ത്താര, മായാവി, കറുത്തകൈ, കാട്ടുമല്ലിക, കാട്ടുമൈന, ദേവി കന്യാകുമാരി, നെല്ല്, ലേഡി ഡോക്ടര്, അദ്ധ്യാപിക തുടങ്ങി അറുപതിലധികം സിനിമകളില് അഭിനയിച്ചിട്ടുണ്ട്.
സത്യന്, പ്രേംനസീര്, മധു, ഷീല, എസ്.പി പിള്ള എന്നിവരോടൊപ്പം അഭിനയിച്ചിട്ടുണ്ട്. മലയാളത്തിന് പുറമേ തമിഴ്, തെലുങ്ക്, കന്നട, ഹിന്ദി ചിത്രങ്ങളിലും സാന്നിദ്ധ്യം അറിയിച്ചിട്ടുണ്ട്. 1975ല് പുറത്തിറങ്ങിയ അക്കല്ദാമ, കാമം ക്രോധം മോഹം എന്നിവയാണ് അവസാനമായി പുറത്തിറങ്ങിയ ചിത്രങ്ങള്.
എസ് പി പിള്ളയാണ് ശാന്തിയെ സിനിമാ രംഗത്ത് എത്തിച്ചത്. അറിയപ്പെടുന്ന നര്ത്തകി കൂടിയായ ശാന്തി മെരിലാന്റ് സ്റ്റുഡിയോ നിര്മിച്ച ചിത്രങ്ങളിലൂടെയാണ് മലയാള സിനിമയില് സജീവമായത് .
കെ.വി.ശാന്തിയുടെ നിര്യാണത്തിൽ സിനിമ പ്രേക്ഷക കൂട്ടായ്മ അനുശോചനം രേഖപ്പെടുത്തി.
No comments: