കോറോണ കാലത്ത് " മരട് 357 " ന് ഹിന്ദി ഗാനം രചിച്ച് നടൻ ഉണ്ണി മുകുന്ദൻ .


മരട് ഫ്ലാറ്റ് പൊളിക്കലിനെ  വിഷയമാക്കി കണ്ണൻ താമരക്കുളം സംവിധാനം ചെയ്യുന്ന " മരട് 357 " എന്നചിത്രത്തിന് വേണ്ടി  ഹിന്ദി പാട്ട് ഒരുക്കുന്ന തിരക്കിലാണ് ഉണ്ണിമുകുന്ദനിപ്പോള്‍.ചിത്രത്തിന്റെ ക്ലൈമാക്സ് രംഗത്തിനോട് അടുത്താണ് പാട്ട് വരുന്നത്. 
മൂന്ന് മിനിറ്റു ദൈർഘ്യത്തിൽ  പശ്ചാത്തല സംഗീതമായി ഹിന്ദി പാട്ട്  ചിട്ടപ്പെടുത്തിയിരിക്കുന്നത് .ചിത്രത്തിന്റെ പശ്ചാത്തല സംഗീതം ഒരുക്കുന്ന സാനന്ദ് ജോർജ് ഗ്രേസ് തന്നെയാണ്  . കണ്ണൻ താമരക്കുളത്തിന്റെ കഴിഞ്ഞ വർഷത്തെ സൂപ്പർ ഹിറ്റ് ചിത്രം " പട്ടാഭിരാമന്റെയും " 
പശ്ചാത്തല സംഗീതം ഒരുക്കിയത് 
സാനന്ദ് ജോർജ് ഗ്രേസ് ആയിരുന്നു.

കണ്ണന്റെ " അച്ചായൻസ് " എന്ന സിനിമയിലൂടയാണ് ആദ്യമായി  ഉണ്ണിമുകുന്ദൻ  പിന്നണി ഗായകനാകുന്നത്. "അനുരാഗം പുതു മഴ പോലെ " എന്ന ആ ഗാനം ആവർഷത്തെ സൂപ്പർ ഹിറ്റ് സോങ്‌ ആയിരുന്നു. കൂടാതെ ഉണ്ണിക്ക് വളരെയധികം പ്രശംസകള്‍ നേടി കൊടുത്ത ഒന്നായിരുന്നു ഈ പാട്ട്. ആ പാട്ടിന്‍റെ ഗാനരചനയും  ഉണ്ണി തന്നെ  ആയിരുന്നു.

മമ്മൂട്ടി നായകനായെത്തിയ " കുട്ടനാടന്‍ ബ്ലോഗ് " എന്ന സിനിമയിലെ ഉണ്ണി പാടിയ " ചാരത്തു നീ വന്ന നേരം "എന്ന തേപ്പു പാട്ടും ആരാധകര്‍ ഇരും കൈയ്യും നിട്ടി സ്വീകരിച്ചിരുന്നു. കൂടാതെ മമ്മൂട്ടിയുടെ തന്നെ ഷൈലോക്കിലെ " എക്താ ബോസ് " എന്നപാട്ടും ഉണ്ണിയാണ് പാടിയത്. എന്തായാലും ഉണ്ണി എഴുതിയിരിക്കുന്ന ഹിന്ദി പാട്ട് കാണാന്‍ എന്തായാലും കൊറോണ കാലം കഴിയുന്നത് വരെ ക്ഷമയോടെ കാത്തിരുന്നേ മതിയാകു. 

മരട് 357ന്‍റെ തിരക്കഥ ദിനേശ് പള്ളത്താണ്.അബാം മൂവീസിന്റെ ബാനറില്‍ അബ്രഹാം മാത്യുവും സ്വര്‍ണ്ണലയ സിനിമാസിന്റെ ബാനറില്‍ സുദര്‍ശനന്‍ കാഞ്ഞിരക്കുളവും ചേര്‍ന്നാണ് നിര്‍മ്മിച്ചിരിക്കുന്നത്. രവിചന്ദ്രനാണ് ഛായാഗ്രഹണം. കണ്ണന്‍ താമരക്കുളം, ദിനേശ് പള്ളത്ത് ,അബ്രഹാം മാത്യു, രവി ചന്ദ്രന്‍ എന്നിവരൊരുമിച്ച പട്ടാഭിരാമന്‍ കഴിഞ്ഞ വര്‍ഷത്തെ സൂപ്പര്‍ ഹിറ്റ് സിനിമയായിരുന്നു. ഇതൊരു സാമൂഹിക പ്രതിബദ്ധതയുള്ള സിനിമയായിരുന്നു. 

അനൂപ് മേനോന്‍, ധര്‍മജന്‍, മനോജ് കെ ജയന്‍, ബൈജു സന്തോഷ് ,  സാജില്‍ , സെന്തില്‍ കൃഷ്ണ എന്നിവര്‍ കേന്ദ്ര കഥാപാത്രങ്ങളെ അവതരിപ്പിക്കുന്ന " മരട് 357 " ല്‍ഷീലു എബ്രഹാം, നൂറിന്‍ ഷെറീഫ് എന്നിവരാണ്  നായികമാര്‍.  കൂടാതെ സുധീഷ് , ഹരീഷ് കണാരന്‍, കൈലാഷ്,  ശ്രീജിത്ത് രവി, ജയന്‍ ചേര്‍ത്തല, ജയകൃഷ്ണന്‍, അഞ്ചലി, സരയൂ, ബഷീര്‍, പടന്നയില്‍,  മുഹമ്മദ് ഫൈസല്‍, കൃഷ്ണ , മന്‍രാജ്, അനില്‍ ഭാസ്ക്കര്‍, വിഷ്ണു, കലാഭവന്‍ ഫനീഫ്, ശരണ്‍, പോള്‍ താടിക്കാരന്‍   രാജപാണ്ഡ്യന്‍,  പ്രീതി
രാജേന്ദ്രന്‍,നിലീന ശ്രീനിവാസന്‍, അനിത, അനുപ്രഭ, ബേബി വേദ, എയ്ഞ്ചലീന പാറയ്ക്കല്‍  തുടങ്ങി മലയാളത്തിലെ വന്‍ താരനിര തന്നെ ചിത്രത്തിലുണ്ട്. 

വി.റ്റി. ശ്രീജിത്താണ് എഡിറ്റര്‍. കൈതപ്രം, രാജീവ് ആലുങ്കല്‍, മധു വാസുദേവ് എന്നിവരുടെ വരികള്‍ക്ക് ഈണം പകര്‍ന്നിരിക്കുന്നത് 4 മ്യൂസിക്ക്സാണ്. ലൈന്‍ പ്രൊഡ്യൂസര്‍ഃ ബാദുഷ, കലാ സംവിധാനം സഹസ് ബാല, വസ്ത്രാലങ്കാരം അരുണ്‍ മനോഹര്‍, മേക്കപ്പ്ഃ പ്രദീപ് രംഗന്‍, ബാക്ക്ഗ്രൗണ്ട് മ്യൂസിക്ക്ഃ സാനന്ദ് ജോര്‍ജ്, വിഎഫ്എക്സ്ഃ ജോര്‍ജി ജിയോ അജിത്ത്, ഫിനാന്‍സ് കണ്‍ട്രോളര്‍ഃ അമീര്‍ കൊച്ചിന്‍, പ്രോജക്ട് ഡിസൈനര്‍ഃ റ്റി എം. റഫീഖ്, പ്രൊഡക്ഷന്‍ എക്സിക്യൂട്ടീവ്ഃ റിച്ചാര്‍ഡ്, പ്രൊഡക്ഷന്‍ കണ്‍ട്രോളര്‍ഃ ഇക്ബാല്‍ പനായികുളം, സ്റ്റില്‍സ്ഃ വിപിന്‍ദാസ് ചുള്ളിക്കല്‍, ഡിസൈന്‍സ്ഃ യെല്ലോ ടൂത്ത്, പി ആര്‍ ഒ സുനിത സുനില്‍ എന്നിവരാണ് അണിയറ ശിൽപ്പികൾ .

ഉണ്ണി മുകുന്ദൻ എഴുതുന്ന ഈ ഹിന്ദി ഗാനം സ്ത്രീ ശബ്ദത്തിലാണ് പ്രേക്ഷകകർക്ക് മുന്നിൽ എത്തുന്നത്. 

No comments:

Powered by Blogger.