" അൽ - മല്ലു " ട്രെയിലർ നാളെ ( ജനുവരി 2 വ്യാഴം) വൈകിട്ട് ഏഴ് മണിയ്ക്ക് റിലീസ് ചെയ്യും .

കോമഡി പശ്ചാത്തലത്തിൽ ഒരുങ്ങുന്ന " അൽ-മല്ലു " വിന്റെ  ഓഫീഷ്യൽ ട്രെയിലർ നാളെ ( ജനുവരി 2 വ്യാഴം) വൈകിട്ട് ഏഴ് മണിയ്ക്ക് സംവിധായൻ പ്രിയദർശൻ , നടൻമാരായ കുഞ്ചാക്കോ ബോബൻ ,വിഷ്ണു ഉണ്ണികൃഷ്ണൻ , നടിമാരായ രജീഷ വിജയൻ , അനു സിത്താര , ഷീലു ഏബ്രഹാം , മിയ ജോർജ്ജ് , നമിത പ്രമോദ് , മാധുരി എന്നിവരുടെ ഫേസ്ബുക്ക് പേജിലൂടെ റിലിസ് ചെയ്യും.

ബോബൻ ശമുവേൽ തിരക്കഥയെഴുതി  സംവിധാനം ചെയ്യുന്ന ചിത്രമാണിത്.നമിത പ്രമോദ് , മിയ ജോർജ് , ഷീലു എബ്രഹാം , ധർമ്മജൻ ബോൾഗാട്ടി , സിദ്ദിഖ് , മിഥുൻ രമേശ് , സിനിൽ സൈനുദ്ധീൻ , വരദ ജിഷിൻ , ജെന്നിഫർ ,ആതിര ഉഷ എന്നിവരും  അതിഥി താരമായി ഡാം 999 സംവിധായകൻ  സോഹൻ റോയും ഈ ചിത്രത്തിൽ അഭിനയിക്കുന്നു.

പുതിയ കാലത്തെ പ്രവാസികളുടെ കഥയാണ് സിനിമയുടെ പ്രമേയം .അബുദാബി കേന്ദ്രമാക്കി മിഡിൽ ഈസ്റ്റിൽ ആയിരുന്നു ചിത്രീകരണം .സജിൽസ്  മജീദാണ് ചിത്രം നിർമ്മിക്കുന്നത്.

ജനപ്രീയൻ , റോമൻസ് , ഹാപ്പി ജേർണി , ഷാജഹാനും പരീക്കുട്ടിയും ,    വികടകുമാരൻ എന്നീ ചിത്രങ്ങൾ സംവിധാനം ചെയ്തത് ബോബൻ    ശമുവേൽ ആയിരുന്നു.

സംഗീതം രഞ്ജിൻ രാജും,  ഗാനരചന ബി.കെ. ഹരി നാരായണനും ,ഛായാഗ്രഹണം വിവേക് മോനോനും, എഡിറ്റിംഗ് ദീപു ജോസഫും ,കലാ സംവിധാനം രാജീവ് കോവിലകവും , മേക്കപ്പ് ജിത്തു പയ്യന്നൂരും , രാജീവ് അങ്കമാലിയും നിർവ്വഹിക്കുന്നു .
ഡോ. രജത്ത് ആർ, ജയൻ നടുവാഴതകത്ത് എന്നിവരുടേതാണ് കഥ. സേതു അടൂർ , കമലാക്ഷൻ പയ്യന്നൂർ എന്നിവരാണ് പ്രൊഡക്ഷൻ കൺട്രോളറൻമാർ .

ജനുവരി പത്തിന് ചിത്രം തീയേറ്ററുകളിൽ എത്തും.


സലിം പി. ചാക്കോ .