" ARTICLE 15 " Movie - Lets be Indians Firstly and Lastly : M.A.Nishad .



The Article 15 comes under Part 111 in the constitution of India, which deals with the foundamental rights of the citizens of India.. It also states that the ''state shall not discriminate against any citizen on grounds only of caste,religion,sex,race and place of birth''.

അതെ, 
ഇന്ത്യൻ ഭരണഘടനയിലെ മഹത്തായ വാക്യം...അതൊരു സിനിമയ്ക്ക്  പ്രചോദനമാകുമ്പോൾ, അല്ലെങ്കിൽ  ഒരു സിനിമ അത് ചർച്ച ചെയ്യുമ്പോൾ കൗതുകത്തേക്കാളും കൂടുതൽ ആവേശമാണ് തോന്നിയത്.

സിനിമ എന്ന മാധ്യമം വെറും വിനോദോപാതി മാത്രമല്ല...അതിന് സമൂഹത്തോട് സംവേദിക്കാനുണ്ട്...പ്രേക്ഷകരെ ചിന്തിപ്പിക്കാനുണ്ട്...അവരുടെ ശ്രദ്ധയേ ക്ഷണിപ്പിക്കാനുണ്ട്...പലപ്പോഴും സൗകര്യപൂർവ്വം മറക്കുന്ന പലതിനെയും ഓർമ്മപ്പെടുത്താനുണ്ട്....അത്തരം ഓർമ്മപ്പെടുത്തലാണ്...ശ്രദ്ധക്ഷണിക്കലാണ്..അനുഭവ് സിൻഹ എന്ന സംവിധായകൻ " Article 15 " എന്ന സിനിമയിലൂടെ ഒരു കലാകാരന്റെ  അല്ലെങ്കിൽ  ചലച്ചിത്രകാരന്റെ  കടമ നിർവ്വഹിച്ചിരിക്കുന്നത്..ഒപ്പം ആയുഷ്മാൻ ഖുറാന എന്ന നടൻ വിസ്മയം തീർത്തിരിക്കുന്നു
അയാൾ പറയുകയാണ്...നമ്മളോട്...വ്യവസ്ഥിതിയോട്..നമ്മൾ അത് കേൾക്കാൻ ബാധ്യസ്ഥരാണ്....നമ്മൾ കേൾക്കുന്നത് വരെ ഈ സിനിമ നമ്മളോട് പറഞ്ഞ് കൊണ്ടേയിരിക്കും.

ഒറ്റ വാക്കിൽ പറയാം ''Article 15 is one of the best films i have ever watched in my life''
..സിനിമ എന്ന വലിയ മാധ്യമത്തിലൂടെ സമൂഹത്തിൽ നടമാടികൊണ്ടിരിക്കുന്ന ക്രൂരകൾക്കെതിരെ,തിൻമകൾക്കെതിരെ,മനുഷ്യാവകാശ ലംഘനങ്ങൾക്കെതിരെ ധൈര്യപൂർവ്വം പ്രതികരിച്ച അനുഭവ് സിൻഹ നിങ്ങൾ അഭിനന്ദനം അർഹിക്കുന്നു...ഒപ്പം ശബ്ദമില്ലാത്തവന്റെ  ശബ്ദമായി മാറാൻ നിങ്ങൾ നൽകിയ പ്രചോദനത്തിന് ഹൃദയത്തിൽ നിന്നും ഒരു സല്ല്യൂട്ട്...

ഉത്തർപ്രദേശിലെ ജാതീയ ചിന്തകളേയും,രാഷ്ട്രീയ മുതലെടുപ്പുകളേയും,മനുഷ്യാവകാശ ലംഘനങ്ങളേയും വളരെ ഭംഗിയായി തന്നെ സിനിമ വരച്ച് കാട്ടി...Attrocities against Dalits എന്ന പത്രങ്ങളിലെ തലവാചകം മാറിക്കൊണ്ടിരിക്കുന്ന ഈ കാലഘട്ടത്തിൽ,മൃഗങ്ങളുടെ വില പോലും ഇവിടുത്തെ അടിസ്ഥാന വർഗ്ഗത്തിന് കൽപ്പിക്കാത്ത ഈ കാലഘട്ടത്തിൽ..ആർട്ടിക്കിൾ 15 ഒരോർമ്മപ്പെടുത്തലാണ്.

ഉത്തർപ്രദേശിലൂടെ സഞ്ചരിച്ചിട്ടുളള വ്യക്തിയെന്ന നിലയിൽ ,ചിത്രത്തിലെ പല സീനുകളും ഞാൻ  നേരിൽ കണ്ടനുഭവിച്ചിട്ടുളളതാണ്...നാം നമ്മുടെ മഹത്തായ ഭാരത സംസ്കാരവും,പാരമ്പര്യവും ഉയർത്തിപ്പിടിക്കുമ്പോഴും.നമ്മുടെ രാജ്യത്തെ അടിച്ചമർത്തപ്പെട്ടവന്റെ  രോദനം കേൾക്കാതെ പോകുന്നു...മൃഗങ്ങളേക്കാളും ദുരിതമനുഭവിക്കുന്ന ഈ രാജ്യത്തിന്റെ  യഥാർത്ഥ അവകാശികളായ ദളിതരുടെ വേദന കാണാതെ പോകുന്നു...നീതി നിഷേധത്തിന്റെ ,ഇരുണ്ട നാളുകളിൽ,പാവപ്പെട്ട ദളിത് ബാലികമാരുടെ തേങ്ങലുകൾ കേൾക്കാം ചെവിയോർത്താൽ...ഈ സിനിമ നമ്മളെ കേൾപ്പിക്കുക തന്നെ ചെയ്യും...അവരുടെ തേങ്ങലുകൾ....പെൺമക്കളുളള ആയിരക്കണക്കിന് മാതാപിതാക്കളുടെ ദയനീയ രൂപം...അവരുടെ കണ്ണുകളിൽ ഭയമാണ്...ഭയം മാത്രം.

ഇന്ത്യയിലെ  ജനസംഖ്യയിൽ  എഴുപത് ശതമാനം വരുന്ന ഒരു ജന വിഭാഗത്തിന് വേണ്ടിയാണ് ഈ സിനിമ ശബ്ദിക്കുന്നത്...
ആ ശബ്ദം ഒരു തുടക്കമാകട്ടെ...
നല്ല നാളേകൾക്കുളള തുടക്കം.....
രാജ്യസ്നേഹത്തിന്റെ  തുടക്കം....
ശബ്ദം പതറാതെ നമ്മുക്ക് പാടാം .
വന്ദേ മാതരം...
ചങ്കൂറ്റത്തോടെ  നമുക്ക്  വിളിക്കാം...
ജയ് ഹിന്ദ്....
അതിന് ഈ സിനിമ ഒരു നിമിത്തമാകട്ടെ.

''Lets be Indians Firstly and Lastly ''

ഈ സിനിമ കക്ഷി,രാഷ്ട്രീയ ,ജാതി ഭേദമന്യേ എല്ലാവരും കാണണമെന്നപേക്ഷ...മനസ്സിലുളള ജാതി ചിന്തകൾക്കും,ജാതി വാൽ മാഹാത്മ്യവും ഒരു പരിധി വരെ കുറയ്ക്കാൻ പറ്റും...മനസ്സാക്ഷി എന്നുളളത് ഉണ്ടെങ്കിൽ .

എം.എ. നിഷാദ് .
( സംവിധായകൻ ,നടൻ ) 

No comments:

Powered by Blogger.